‘కాక్టైల్-2’ లో ఆ పాత్ర చేయడానికి నేను చాలా భయపడ్డాను: రష్మిక మందన్న
నిజం చెప్పాలంటే.. ఈ రోల్ చేయడానికి నేను మొదట్లో చాలా భయపడ్డాను. ఎందుకంటే నా సినీ కెరీర్లోనే ఇంతవరకు నేను ఇంత అల్ట్రా మోడ్రన్ లుక్లో ఎప్పుడూ కనిపించలేదు.
దిశ, సినిమా: నేషనల్ క్రష్ రష్మిక బాలీవుడ్లో వరుస సినిమాలు చేస్తూ ఫుల్ క్రేజ్ రాబట్టుకుంటోంది. యానిమల్, చావా వంటి బ్లాక్ బస్టర్ హిట్స్ అందుకున్న తర్వాత మల్టీ స్టారర్ ప్రాజెక్ట్ ‘కాక్టైల్-2’తో ప్రేక్షకులను అలరించేందుకు సిద్ధమవుతోంది. బాలీవుడ్ స్టార్ హీరో షాహిద్ కపూర్, కృతి సనన్, రష్మిక ప్రధాన పాత్రలో నటిస్తున్న ఈ సినిమాను హోమి అదజానియా తెరకెక్కిస్తున్నారు. 2012లో విడుదలైన ‘కాక్టైల్’కు సీక్వెల్గా రాబోతున్న ఆ మూవీ షూటింగ్ పూర్తి చేసుకుని జూన్ 19న విడుదలవనుంది. ఈనేపథ్యంలో.. ప్రమోషన్స్లో భాగంగా మేకర్స్ ట్రైలర్ లాంచ్ చేయగా.. అది కాస్త హైప్ క్రియేట్ చేసింది. ‘కాక్టైల్-2’ ప్రమోషన్స్లో బిజీగా ఉన్న రష్మిక తన పాత్రకు సంబంధించిన విషయాలను పంచుకుంది. ఈ సినిమాలో రష్మిక పోషించిన ‘దియా’ అనే క్యారెక్టర్లో కనిపించనుంది.
ఆ పాత్రకు ఒప్పుకోవడం తనకు అంత తేలికైన నిర్ణయం కాదని చెప్తూ.. "నిజం చెప్పాలంటే.. ఈ రోల్ చేయడానికి నేను మొదట్లో చాలా భయపడ్డాను. ఎందుకంటే నా సినీ కెరీర్లోనే ఇంతవరకు నేను ఇంత అల్ట్రా మోడ్రన్ లుక్లో ఎప్పుడూ కనిపించలేదు. నా పాత సినిమాల వల్ల ప్రేక్షకులు నా నుండి ఎప్పుడూ సీరియస్, ఎమోషనల్ అండ్ డ్రామాతో కూడిన పవర్ఫుల్ పర్ఫార్మెన్స్ను ఆశిస్తారు" అని రష్మిక చెప్పుకొచ్చింది. కానీ మొదటిసారి నేను చాలా లైట్ హార్టెడ్, అంటే స్నేహం, అల్లరి, ప్రేమ చుట్టూ తిరిగే ఒక సరదా పాత్రను చేశానని అన్నారు. మొదట్లో తాను ఇలాంటి సినిమా చేయడం కరెక్ట్ కాదా? అని తనలో తానే చాలా సందేహించానని చెప్పింది. కానీ, ఇంతకుముందు తాను ఎప్పుడూ ఇలాంటి పాత్ర చేయలేదు కాబట్టి.. ఖచ్చితంగా చేసి తీరాలని గట్టిగా ఫిక్స్ అయ్యానని పేర్కొన్నారు. ఎందుకంటే ప్రేక్షకులు కూడా ఎప్పుడూ కొత్తదనాన్ని, ఒక సర్ప్రైజ్ను ఆశిస్తారని.. అందుకే ఈ సినిమా తనకు పర్ఫెక్ట్ ఛాయిస్ అనిపించిందని అని రష్మిక చెప్పుకొచ్చింది.
