దేశం కోసం బ్లాక్ బస్టర్ చిత్ర సీక్వెల్ నుంచి తప్పుకున్న హీరో.. పోస్ట్ వైరల్

దిశ, వెబ్‌డెస్క్: సనమ్ తేరి కసమ్ చిత్రంలో తన నటనతో హృదయాలను గెలుచుకున్న హర్షవర్ధన్ రాణే ఎంతో ఆసక్తిగా ఎదురుచూస్తున్న సీక్వెల్ నుంచి తప్పుకోవడం ద్వారా అభిమానుల్లో ఆశ్చర్యం నెలకొంది. దీనికి కారణం సినిమాలకు మించి ఉంది మరీ. అయితే భారతదేశం - పాకిస్తాన్ మధ్య ఉద్రిక్తతలు కొనసాగుతున్నందున, అసలు తారాగణం పునరావృతమైతే తాను సనమ్ తేరి కసమ్ 2 లో భాగం కాబోనని రాణే తన ఇన్‌స్టాగ్రామ్ స్టోరీస్‌లో ప్రకటించాడు. అతను నేరుగా పేర్లను పేర్కొనకపోయినా, అతని వ్యాఖ్య 2016 హిట్‌లో అతని సహనటి పాకిస్తానీ నటి మావ్రా హొకేన్‌ను అన్నట్లు తెలుస్తోందని నెటిజన్లు భావిస్తున్నారు.

“నేను అనుభవాన్ని అభినందిస్తున్నప్పటికీ.. మునుపటి తారాగణాన్ని పునరావృతం చేసే అవకాశం ఉంటే సనమ్ తేరి కసమ్ 2 లో భాగం కావడానికి నిరాకరించాలని నేను నిర్ణయం తీసుకున్నాను” అని ఆయన రాశారు. ఇకపోతే హర్షవర్ధన్ రాణే తెలుగు చిత్రం తకిట తకిట (2010) తో సినీ ఇండస్ట్రీకి ఎంట్రీ ఇచ్చాడు. సనమ్ తేరి కసమ్ (2016) తో హిందీ చలనచిత్ర రంగ ప్రవేశం చేశాడు. దీనికి అతను సూపర్ స్టార్ ఆఫ్ టుమారో, మేల్ నామినేషన్ కోసం స్టార్ డస్ట్ అవార్డును కూడా అందుకుని కెరీర్ ప్రారంభంలోనే మంచి గుర్తింపు సంపాదించుకున్నాడు.