పవర్ ఫుల్గా సందీప్ కిషన్ ‘పవర్ పేట’ గ్లింప్స్
సందీప్ కిషన్ పుట్టిన రోజు సందర్భంగా వరుస అప్డేట్స్ ఇస్తున్నారు మేకర్స్. ఇందులో భాగంగా తాజా చిత్రం ‘పవర్ పేట’ నుంచి గ్లింప్స్ రిలీజ్ చేశారు.
దిశ, సినిమా: యంగ్ అండ్ డైనమిక్ హీరో సందీప్ కిషన్ ప్రస్తుతం బ్యాక్ టు బ్యాక్ సినిమాలు చేస్తున్నాడు. ఈరోజు ఆయన పుట్టిన రోజు సందర్భంగా వరుస అప్డేట్స్ ఇస్తున్నారు మేకర్స్. ఇందులో భాగంగానే సందీప్ నటిస్తున్న తాజా చిత్రం ‘పవర్ పేట’ నుంచి గ్లింప్స్ రిలీజ్ చేశారు.‘అడవిలో సింహం ఉచ్చ పోసి ఇది నా చోటు అని చెబుతుంది. ఇక్కడ ఉచ్చపోయిస్తే కానీ ఆ చోటు నీది కాదు’ అంటూ సందీప్ కిషన్ చెప్పిన పవర్ఫుల్ డైలాగ్తో ఈ గ్లింప్స్ ఆకట్టుకుంటుంది. ‘ప్రేమ, గౌరవం, రాజకీయం’ అనే ఆసక్తికరమైన ట్యాగ్లైన్తో రూపొందుతున్న ఈ చిత్రం, ఒక సామాన్యుడు రాజకీయ శిఖరాలను ఎలా అధిరోహించాడు అనే ఇతివృత్తంతో సాగనుండగా.. ఇందులో సందీప్ కిషన్ మూడు విభిన్న గెటప్స్లో కనిపించి మెప్పించనున్నాడు. ప్రస్తుతం ఈ మూవీ షూటింగ్ శరవేగంగా జరుగుతుంది. కాగా.. కృష్ణ చైతన్య దర్శకత్వంలో తెరకెక్కుతోన్న ఈ భారీ పీరియాడిక్ పొలిటికల్ డ్రామాకు మెలోడీ బ్రహ్మ మణిశర్మ సంగీతం అందిస్తున్నాడు. ఇందులో ‘మిరాయ్’ ఫేమ్ రితికా నాయక్ హీరోయిన్గా నటిస్తోంది. 70mm ఎంటర్టైన్మెంట్స్ బ్యానర్పై విజయ్ చిల్లా, శశి దేవిరెడ్డి ఈ చిత్రాన్ని నిర్మిస్తున్నారు.
