మరో శంకరాభరణం.. ‘ఘంటసాల ది గ్రేట్’
టాలీవుడ్ దిగ్గజ సంగీత దర్శకుడు, కోట్లాది మంది ప్రేక్షకుల హృదయాలు దోచుకున్న ఘంటసాల వెంకటేశ్వర రావు బయోపిక్ గ్రాండ్గా తెరకెక్కింది. ‘ఘంటసాల ది గ్రేట్’గా ఈ నెల 12న ప్రేక్షకుల ముందుకు రాబోతుంది. ఈ క్రమంలోనే ప్రీరిలీజ్ ఈవెంట్ ఘనంగా జరగ్గా..
దిశ, సినిమా : టాలీవుడ్ దిగ్గజ సంగీత దర్శకుడు, కోట్లాది మంది ప్రేక్షకుల హృదయాలు దోచుకున్న ఘంటసాల వెంకటేశ్వర రావు బయోపిక్ గ్రాండ్గా తెరకెక్కింది. ‘ఘంటసాల ది గ్రేట్’గా ఈ నెల 12న ప్రేక్షకుల ముందుకు రాబోతుంది. ఈ క్రమంలోనే ప్రీరిలీజ్ ఈవెంట్ ఘనంగా జరగ్గా.. పలువురు ప్రముఖులు ఈ కార్యక్రమానికి హాజరయ్యారు. ఈ చిత్రం మరో శంకరాభరణం అవుతుందని చిత్ర యూనిట్కు శుభాకాంక్షలు తెలిపారు. అన్యుక్త్ రామ్ పిక్చర్స్ సమర్పణలో శ్రీమతి సి.హెచ్. ఫణి నిర్మాణ సారథ్యంలో సి.హెచ్. రామారావు రచన, దర్శకత్వంలో ఈ సినిమా తెరకెక్కగా.. గాయకుడు కృష్ణ చైతన్య ఘంటసాలగా, మృదుల ఘంటసాల సావిత్రమ్మగా, చిన్న ఘంటసాలగా తులసి మూవీ ఫేమ్ అతులిత నటించారు. సుమన్ ముఖ్య పాత్రను పోషించారు. ఈ ప్రీరిలీజ్ ఈవెంట్కు టైటిల్ రోల్ ప్లే చేసిన కృష్ణ చైతన్య, దర్శకుడు సి.హెచ్. రామారావు, డిస్ట్రిబ్యూటర్, నిర్మాత శోభారాణి, నిర్మాత ఫణి, తుమ్మలపల్లి రామ సత్యనారాయణ, లిరిక్ రైటర్ అనంత శ్రీరామ్, చదలవాడ శ్రీనివాస్, రేలంగి నరసింహారావు తదితరులు హాజరయ్యారు.
