నవ్వుల విందుకు రెడీ అవ్వండి.. ‘మిస్టర్ మిడిల్ క్లాస్’ ఫస్ట్ లుక్తో క్యూరియాసిటీ పెంచిన శ్రీకాంత్
తాజాగా శ్రీకాంత్ ప్రధాన పాత్రలో నటిస్తున్న సరికొత్త సినిమాకు సంబంధించిన అఫీషియల్ అనౌన్స్మెంట్ వచ్చేసింది. ఈ చిత్రానికి ‘మిస్టర్ మిడిల్ క్లాస్’ అనే ఆసక్తికరమైన టైటిల్ను ఖరారు చేశారు.
దిశ, సినిమా: ఒకప్పుడు ఫ్యామిలీ హీరోగా టాలీవుడ్లో ఒక వెలుగు వెలిగిన సీనియర్ నటుడు శ్రీకాంత్, గత కొంతకాలంగా విలన్గా, పవర్ఫుల్ క్యారెక్టర్ ఆర్టిస్ట్గా సెకండ్ ఇన్నింగ్స్ లో ఫుల్ బిజీగా గడుపుతున్నారు. గత ఏడాది గ్లోబల్ స్టార్ రామ్ చరణ్ ‘గేమ్ చేంజర్’ సినిమాలో నటించిన శ్రీకాంత్, ఇప్పుడు తన చేతికి వచ్చిన ప్రతి మంచి అవకాశాన్ని ఉపయోగించుకుంటున్నారు. ప్రస్తుతం ఆయన ‘సంబరాల ఏటిగట్టు’, ‘నాటు కోడి’ వంటి క్రేజీ చిత్రాలలో కీలక పాత్రలు చేస్తున్నారు. ఇదిలా ఉంటే, తాజాగా శ్రీకాంత్ ప్రధాన పాత్రలో నటిస్తున్న సరికొత్త సినిమాకు సంబంధించిన అఫీషియల్ అనౌన్స్మెంట్ వచ్చేసింది. ఈ చిత్రానికి ‘మిస్టర్ మిడిల్ క్లాస్’ అనే ఆసక్తికరమైన టైటిల్ను ఖరారు చేశారు. బ్లుజ్ క్రియేషన్స్ బ్యానర్పై ‘ప్రొడక్షన్ నెంబర్ 1’గా ఈ సినిమా రూపుదిద్దుకుంటోంది. ఈ మూవీకి సంబంధించిన వివరాలను శ్రీకాంత్ స్వయంగా తన ట్విట్టర్ ద్వారా అభిమానులతో పంచుకున్నారు.
సినిమా ప్రకటనతో పాటే విడుదల చేసిన ఫస్ట్ లుక్ పోస్టర్ నెటిజన్లను బాగా ఆకట్టుకుంటోంది. ఇందులో మిడిల్ క్లాస్ లుక్లో ఉన్న శ్రీకాంత్ చేతిని, దేవుడు వెంకటేశ్వరుడి అవతారంలో ఉన్న రాజేంద్ర ప్రసాద్ పట్టుకుని ఉండటం చాలా ఇంట్రెస్టింగ్గా ఉంది. ఈ పోస్టర్ను షేర్ చేస్తూ శ్రీకాంత్.. "దేవుడు మార్గాన్ని చూపించాడు. మీకు త్వరలోనే అందుబాటులోకి రాబోతున్న, అత్యంత సహజమైన వినోదం కోసం సిద్ధంగా ఉండండి" అంటూ ఒక క్రేజీ క్యాప్షన్ ఇచ్చారు. ఈ పోస్టర్ ప్రేక్షకుల్లో క్యూరియాసిటీని పెంచుతోంది. ఇందులో ఒకప్పటి స్టార్ హీరోయిన్ లయ చాలా కాలం తర్వాత ఈ చిత్రంలో శ్రీకాంత్కు జోడీగా నటిస్తుండటం విశేషం. వీరిద్దరి కాంబినేషన్ ఫ్యామిలీ ఆడియన్స్కు మంచి విజువల్ ట్రీట్ కానుంది. అవుట్ అండ్ అవుట్ కామెడీ ఎంటర్టైనర్లను తెరకెక్కించడంలో దిట్ట అయిన డైరెక్టర్ నాగేశ్వర రెడ్డి ఈ చిత్రానికి దర్శకత్వం వహిస్తున్నారు. ఈ సినిమాలో వెన్నెల కిషోర్, పృథ్వీరాజ్, ధనరాజ్, ప్రభాస్ శ్రీను లాంటి భారీ కామెడీ గ్యాంగ్ నటిస్తుండటంతో నవ్వుల విందు ఖాయంగా కనిపిస్తోంది.
