పాన్ ఇండియా సినిమాతో రాబోతున్న మాజీ మంత్రి గాలి జనార్థన్ రెడ్డి తనయుడు.. రిలీజ్ ఎప్పుడంటే?

దిశ, సినిమా: కర్ణాటక మాజీ మంత్రి, పారిశ్రామికవేత్త గాలి జనార్ధన్ రెడ్డి తనయుడు కిరిటీ రెడ్డి(Kiriti Reddy) హీరోగా పరిచయం కాబోతున్న సంగతి తెలిసిందే. అయితే ఆ సినిమాను. ప్రముఖ నిర్మాణ సంస్థ వారాహి చలనచిత్రం భారీ బడ్జెట్‌తో నిర్మిస్తోంది. రాధా కృష్ణ(Radha Krishna) దర్శకత్వంలో రాబోతున్న ఈ చిత్రం తెలుగు, తమిళ, కన్నడ, మలయాళ భాషల్లో విడుదల కాబోతుంది. అయితే లవ్ అండ్ ఫ్యామిలీ ఎంటర్‌టైనర్‌గా రాబోతున్న ఈ మూవీ ‘జూనియర్’ పేరుతో రాబోతోంది. ఇక ఇందులో క్రేజీ బ్యూటీ శ్రీలీల(Sreeleela) హీరోయిన్‌గా నటిస్తుండగా.. జెనీలియా(Genelia) ఓ కీలక పాత్రతో రీ ఎంట్రీ ఇస్తోంది. ఈ చిత్రంలో రవిచంద్రన్(Ravichandran) కిరీటి తండ్రిగా నటించనున్నారు.

అయితే రాక్‌స్టార్ దేవిశ్రీప్రసాద్ సంగీతం అందిస్తున్నారు. షూటింగ్ శరవేగంగా జరుపుకుంటున్న ఈ సినిమా నుంచి విడుదలైన అప్డేట్స్ అన్ని మంచి రెస్సాన్స్ లభించగా.. అంతా రిలీజ్ ఎప్పుడెప్పుడు అవుతుందా? అని ఎదురుచూస్తున్నారు. ఈ నేపథ్యంలో.. తాజాగా, మూవీ మేకర్స్ ట్విట్టర్ ద్వారా ‘జూనియర్’ విడుదల తేదీ ప్రకటించారు. ఈ సినిమా జూలై 18న వరల్డ్ వైడ్‌గా థియేటర్స్‌లోకి రాబోతున్నట్లు వెల్లడించారు. అంతేకాకుండా ఓ పోస్టర్‌ను కూడా షేర్ చేసి ప్రేక్షకుల్లో క్యూరియాసిటీని పెంచారు. ఇక ఇందులో ఓ ఫైల్ పట్టుకుని శ్రీలీల కనిపించగా.. జెనీలియా మాత్రం కోపంగా చూస్తున్నట్లు ఉంది. కిరిటీ స్మైల్‌తో అందరినీ మెస్మరైజ్ చేశాడు.