‘మీసాల పిల్ల’ను పరిచయం చేసిన మెగాస్టార్ చిరంజీవి

దిశ, వెబ్ డెస్క్: దసరా పండుగని పురస్కరించుకుని మెగాస్టార్ చిరంజీవి నటిస్తున్న ‘మన శంకర వర ప్రసాద్’ మూవీ నుంచి కీలక అప్ డేట్ ఇచ్చారు మూవీ మేకర్స్. బ్లాక్ బస్టర్ హిట్ మెషిన్ అనిల్ రావిపూడి దర్శకత్వం వహిస్తున్న ఈ మూవీ ఫస్ట్ సింగిల్ రిలీజ్ చేశారు. ‘మీసాల పిల్ల’ అనే మొదటి సింగిల్ ప్రోమోను విడుదల చేశారు. ఈ ఆల్బమ్‌ను మూవీ టీం ఒక వినూత్నమైన థీమ్‌తో రూపొందించారు. ప్రతి పాటకు మెగా గ్రేస్, మెగా క్లాస్, మెగా స్వాగ్ & మెగా విక్టరీ మాస్ అనే మెగా ప్రిఫిక్స్‌ను ఇచ్చింది, ఈ కాన్సెప్ట్ అభిమానులను, మ్యూజిక్ లవర్స్ ను ఆకట్టుకుంటుంది. చిరంజీవి సరసన లేడీ సూపర్ ప్టార్ నయనతార నటిస్తున్న ఈ చిత్రాన్ని షైన్ స్క్రీన్స్ బ్యానర్‌పై సాహు గారపాటి, సుష్మిత కొణిదెల గోల్డ్ బాక్స్ ఎంటర్‌టైన్‌మెంట్స్‌తో కలిసి గ్రాండ్ కాన్వాస్‌పై నిర్మిస్తున్నారు. సంక్రాంతికి వస్తున్న ఈ మూవీకి భీమ్స్ సిసిరోలియో సంగీతాన్ని అందిస్తున్నారు. లెజెండరీ గాయకుడు ఉదిత్ నారాయణ్ ఆలపించిన మీసాల పిల్ల ఆహుతులను తెగ ఆకట్టుకుంది.

మెగా గ్రేస్ ట్రాక్ ప్రోమో, మీసాల పిల్ల, రిఫ్రెషింగ్‌గా, ఉత్సాహంగా ఉంది మరియు టీమ్ MSG నుండి మొదటి బంతికే సిక్స్ లాగా కనిపిస్తుంది. నోస్టాల్జియా, మెలోడీ మరియు యూనివర్సల్ అప్పీల్ యొక్క పరిపూర్ణ సమ్మేళనంతో, ఈ మొదటి సింగిల్ తక్షణం అందరినీ అలరించడానికి సిద్ధమవుతోంది. ఈ చిత్రానికి సినిమాటోగ్రాఫర్ గా సమీర్ రెడ్డి, తమ్మిరాజు ఎడిటర్‌గా, ఎఎస్ ప్రకాష్ ఆర్ట్ డైరెక్టర్ గా వ్యవహరిస్తున్నారు. ఎస్. కృష్ణ, జి. ఆది నారాయణ సహ రచయితలుగా ఉన్నారు. ఎస్. కృష్ణ ఎగ్జిక్యూటివ్ నిర్మాతగా పనిచేస్తున్నారు.