ఫస్ట్ సింగిల్ రాబోతుంది.. రొమాంటిక్ ఫొటోస్‌తో అప్డేట్ ఇచ్చిన చెన్నై లవ్ స్టోరీ..

దిశ, వెబ్‌డెస్క్: టాలీవుడ్ యంగ్ హీరో కిరణ్ అబ్బవరం(Kiran Abbavaram) గురించి స్పెషల్‌గా చెప్పాల్సిన పనిలేదు. ‘రాజావారు రాణిగారు’(Rajavaru Ranigaru) సినిమాతో ఇండస్ట్రీకి ఎంట్రీ ఇచ్చి ఫస్ట్ సినిమాతోనే మంచి విజయం సాధించాడు. ఆ తర్వాత అతను నటించిన సినిమాలన్నీ మంచి హిట్సే అయ్యాయి. ఇక రీసెంట్‌గా ‘కె-ర్యాంప్’(K-Ramp) అనే సినిమాతో మన ముందుకు వచ్చిన కిరణ్ ప్రస్తుతం వరుస సినిమాలతో బిజీగా ఉన్నాడు. ఇందులో భాగంగా ఆయన నటిస్తున్న సినిమాల్లో ‘చెన్నై లవ్ స్టోరీ’(Chennai Love Story) ఒకటి. 'బేబీ' ఫేమ్ సాయి రాజేష్ కథ అందించిన ఈ మూవీకు రవి నంబూరి దర్శకత్వం వహిస్తున్నారు.

అంతేకాకుండా దర్శకుడు సాయి రాజేష్ ఈ చిత్రానికి కథ అందించడంతో పాటుగా ప్రొడ్యూసర్ ఎస్‌కెఎన్‌తో కలిసి నిర్మిస్తున్నారు. ఇందులో తెలుగుమ్మాయి, 'మ్యాడ్' ఫేమ్ గౌరీ ప్రియ హీరోయిన్‌గా నటిస్తున్నారు. అయితే తాజాగా హీరో కిరణ్ అబ్బవరం ఈ సినిమా నుంచి ఫస్ట్ సింగిల్ రాబోతుంది అని కొన్ని రొమాంటిక్ ఫొటోస్ షేర్ చేశారు. ‘చెన్నై నుండి ప్రేమ.. త్వరలో ఫస్ట్ సింగిల్ వస్తుంది’ అని రాసుకొచ్చాడు. ఇక షేర్ చేసిన ఫొటోస్‌లో రైల్లో హీరో హీరోయిన్ నవ్వుతూ, ఎదురెదురుగా నిల్చొని ఒకరినొకరు అదే విధంగా చూసుకుంటున్న, ట్రైన్ డోర్ దగ్గర నిలబడి తీసుకున్న కొన్ని క్యూట్ అండ్ క్రేజీ ఫొటోస్‌ను షేర్ చేశారు. ప్రస్తుతం ఈ పోస్ట్ సోషల్ మీడియాలో వైరల్‌గా మారింది.

సెన్సార్ కంప్లీట్ చేసుకున్న కపుల్ ఫ్రెండ్లీ.. రన్ టైమ్ ఎంతంటే..?