డైరెక్టర్ అనుదీప్ పట్ల పోలీసుల దురుసు ప్రవర్తన.. గుర్తుపట్టలేదా?
పవర్ స్టార్ పవన్ కళ్యాణ్ హీరోగా తెరకెక్కుతున్న పీరియాడికల్ యాక్షన్ ఫిల్మ్ 'హరిహరవీరమల్లు' ట్రైలర్ లాంచ్ కార్యక్రమం ఘనంగా జరిగింది.
దిశ, వెబ్ డెస్క్: పవర్ స్టార్ పవన్ కళ్యాణ్ (Pawan kalyan) హీరోగా తెరకెక్కుతున్న పీరియాడికల్ యాక్షన్ ఫిల్మ్ 'హరిహరవీరమల్లు (Hariharaveeramallu)' ట్రైలర్ లాంచ్ కార్యక్రమం ఘనంగా జరిగింది. విమల్ థియేటర్లో మూవీ టీం అంతా కలిసి స్పెషల్గా ఈ ఈవెంట్ను నిర్వహించింది. ఈ కార్యక్రమంలో జాతిరత్నాలు ఫేమ్ ప్రముఖ డైరెక్టర్ అనుదీప్ (Anudeep) కూడా హాజరయ్యారు. ఈ సందర్భంగా ఆయన క్రౌడ్ మధ్యలో నుంచి స్టేజ్ పైకి వెళ్తుండగా.. పోలీసులు అతడిని గుర్తుపట్టకుండా ఒక్కసారిగా వెనక్కి నెట్టేశారు. తరువాత వెంటనే అనుదీప్ను గుర్తుపట్టి లోపలికి పంపించారు. ఇందుకు సంబంధించిన వీడియో ప్రస్తుతం సోషల్ మీడియాలో విపరీతంగా వైరల్ (Viral) అవుతోంది. దీంతో 'పాపం డైరెక్టర్ రా' అంటూ నెటిజన్లు కామెంట్లు పెడుతున్నారు.
కాగా, ట్రైలర్లో పవర్ఫుల్ వీరమల్లుగా యోధుడి పాత్రలో తన డైలాగులతో పవన్ ఆకట్టుకుంటున్నారు. అంతేకాదు, విడుదలైన కొన్ని గంటల్లోనే మిలియన్ల కొద్ది వ్యూస్ సాధించి సెన్సేషన్ క్రియేట్ చేసింది. క్రిష్, జ్యోతికృష్ణ దర్శకత్వంలో రూపొందిన ఈ సినిమా జులై 24న ప్రపంచవ్యాప్తంగా విడుదల కానుంది. ఇందులో పవన్ సరసన నిధి అగర్వాల్ కనిపించనున్నారు.
