తమన్ అసలు పేరేమిటో తెలుసా.. మార్పు వెనుక ఇంత పెద్ద రహస్యం ఉందా?

దిశ, వెబ్ డెస్క్: తెలుగు టాప్ మ్యూజిక్ డైరెక్టర్లలో ఒకరైన తమన్ గురించి ప్రత్యేక పరిచయం అవసరం లేదు. శంకర్ దర్శకత్వంలో రూపొందిన బాయ్స్ చిత్రంతో నటుడిగా పరిచయమైన ఈయన ఆ తర్వాత మళ్లీ అటువైపు తిరిగి చూడలేదు, పూర్తి ఫోకస్ను సంగీతం పైనే పెట్టాడు. ప్రస్తుతం వరుస చిత్రాలకు సంగీతం అందిస్తూ అద్భుతమైన దశలో కెరీర్ను ముందుకు సాగిస్తున్నాడు. చాలామంది ఎస్ ఎస్ తమన్ అనేది ఆయన అసలు పేరు అనుకుంటారు, కానీ ఆయన అసలు పేరు ఘంటసాల శివకుమార్. తనకు నచ్చిన విధంగా ఈ సంగీత దర్శకుడు తన పేరును మార్చుకున్నారు.

అలా మార్చుకోవడానికి అసలైన కారణం ఏంటి అనేది ఆయన తాజాగా చెప్పారు. "మా నాన్న గంటసాల శివకుమార్ గారి పేరు నిలబెట్టే విషయంలో నేను చాలా సంఘర్షణను ఎదుర్కొన్నాను. నాకంటూ ఒక ప్రత్యేక గుర్తింపు ఉండాలని, అందుకు ఒక పేరు పెట్టుకోవాలి అనుకున్నాను. ఆ పేరు వింటే ఎలాంటి మతపరమైన ఛాయలు అందులో ఉండకూడదనే నిర్ణయం తీసుకున్నాను. అలాగే ఆ పేరు కూడా కాస్త డిఫరెంట్గా ఉంటే బాగుంటుంది అనుకున్నాను. ఆ సమయంలో 'గూగుల్' అనే పదం నాకు చాలా వెరైటీగా అనిపించేది, దానికి దగ్గరగా తమన్ అయితే బాగుంటుంది అని దానిని పేరుగా పెట్టుకున్నాను".

ఇలా పేరు మార్చుకోవడానికి గల ప్రధాన కారణాన్ని కూడా ఆయన వివరించారు. మా నాన్నగారు ఘంటసాల శివకుమార్ కూడా సంగీత విద్వాంసులు. కెరియర్ ప్రారంభంలో ఆయన పేరును మోయడం నాకు చాలా కష్టంగా అనిపించింది. మా నాన్నగారు నా చిన్న వయసులోనే చనిపోయారు. నేనేదైనా తెలియక తప్పు చేస్తే ఆ మరక మా నాన్నగారి పేరుకు అంటుకుంటుంది. ఆయన పేరుకు ఎలాంటి మచ్చా రాకూడదని నిరంతరం శ్రమిస్తూనే ఉన్నాను. నావల్ల మా తండ్రిగారికి ఎప్పుడు చెడ్డ పేరు రాకూడదని అనుకుంటున్నట్లు తమన్ చెప్పుకొచ్చాడు.