టికెట్ ధర కంటే పాప్‌కార్న్ రేటే ఎక్కువ.. తేజ హాట్ కామెంట్స్

దిశ‌, వెబ్ డెస్క్‌: సినిమా టికెట్ల ధరలపై టాలీవుడ్ అగ్ర దర్శకుడు తేజ సంచలన కామెంట్స్ చేశారు. టికెట్ ధర కంటే పాప్ కార్న్ రేటు ఎక్కువగా ఉందని బాంబు పేల్చారు. దీంతో దర్శకుడు తేజ చేసిన కామెంట్స్ వైరల్ గా మారాయి. గత కొన్ని రోజులుగా రెండు తెలుగు రాష్ట్రాలలో టికెట్ల ధర పెంపుపై చాలా రాద్దాంతం జరుగుతోంది. టికెట్ల ధరలను పెంచాలని నిర్మాతలు కోరుతుంటే, ప్రేక్షకులు మాత్రం టికెట్ల ధరలు తగ్గించాలని కోరుతున్నారు. టికెట్ల ధరలు పెంచితే, ఐ బొమ్మ రవి లాంటి వాళ్లు పుట్టగొడుగుల లాగా వస్తారని మరి కొంతమంది వాదిస్తున్నారు.

ఇలాంటి నేపథ్యంలో సినీ పరిశ్రమ సమస్యలపై ఏపీ మంత్రి కందుల దుర్గేష్ తో దర్శకుడు తేజ సమావేశమయ్యారు. ఈ సందర్భంగా ఆయన కీలక వ్యాఖ్యలు చేశారు. టికెట్ ధర కంటే పాపం కారణం రేటు ఎక్కువగా ఈ కాలంలో ఉందని తేజ వెల్లడించారు. థియేటర్ ఓనర్లు, సినిమా మేకర్లకు నష్టం జరగకుండా ప్రేక్షకులు థియేటర్ కు వచ్చేలా టికెట్ ధరలపై నిర్ణయం తీసుకోవాల్సిన అవసరం ఉందని ఈ సందర్భంగా స్పష్టం చేశారు. ఇక పాన్ ఇండియా సినిమాల వల్ల, చిన్న సినిమాలకు నష్టం జరగకుండా చూడాలని కోరారు.