బాక్స్ ఆఫీస్ వద్ద కింగ్ సైజ్ ర్యాంపేజ్ సృష్టించిన డార్లింగ్

దిశ, వెబ్ డెస్క్: రెబల్ స్టార్ ప్రభాస్ హీరోగా నటించిన రొమాంటిక్ ఎంటర్టైనర్ “డార్లింగ్” 2010లో విడుదలై బాక్స్ ఆఫీస్ వద్ద భారీ విజయాన్ని అందుకుంది. తాజాగా ఈ చిత్రాన్ని రీ రిలీజ్ చేయగా, మళ్లీ థియేటర్లలో ఈ సినిమాకి అద్భుతమైన స్పందన లభిస్తోంది. రీ రిలీజ్‌లో భాగంగా ఇప్పటికే రెండు రోజుల బాక్సాఫీస్ రన్ పూర్తయింది. ఈ రెండు రోజుల్లోనే ఈ చిత్రం ప్రపంచవ్యాప్తంగా సుమారు 9.36 కోట్ల గ్రాస్ కలెక్షన్లు రాబట్టినట్లు మూవీ యూనిట్ అధికారికంగా ప్రకటించింది. కొత్త సినిమాలకు పోటీగా ఈ స్థాయి వసూళ్లు సాధించడం విశేషంగా మారింది. దీంతో ప్రభాస్ అభిమానులు ఆనందం వ్యక్తం చేస్తున్నారు. ఈ చిత్రంలో కాజల్ అగర్వాల్ హీరోయిన్‌గా నటించగా, గుణశేఖర్ దర్శకత్వం వహించారు. జీవీ ప్రకాష్ కుమార్ సంగీతం అందించిన ఈ సినిమాను శ్రీ వెంకటేశ్వర సినీ చిత్ర బ్యానర్‌పై నిర్మించారు.

Rakul: ఒకప్పుడు టాలీవుడ్ స్టార్ బ్యూటీ.. ఇప్పుడు అలాంటి అవకాశం కోసం ఎదురుచూపులా?