‘సంప్రదాయని సుప్పిని సుద్దపూసని’ నుంచి కమెడియన్ ఫస్ట్ లుక్ రిలీజ్.. ఎంటర్‌టైన్‌మెంట్ గ్యారెంటీ అంటూ పోస్ట్

దిశ, వెబ్‌డెస్క్: 90s వెబ్ సిరీస్‌తో రీ ఎంట్రీ ఇచ్చి టాలీవుడ్‌లో దూసుకు పోతున్న హీరో శివాజీ (Sivaji) ప్రస్తుతం ఆయ‌నే స్వ‌యంగా నిర్మాత మారి త‌న శ్రీ శివాజీ ప్రొడక్షన్స్(Sri Shivaji Productions) పతాకంపై ‘సంప్రదాయని సుప్పిని సుద్ధపూసని’ సినిమా చేస్తున్నాడు. ఇక ఈ మూవీలో ల‌య (Laya) శివాజీకి జంట‌గా న‌టిస్తోండ‌గా ప్రిన్స్‌(Prinse), అలీ(ali), ధ‌న్‌రాజ్‌(Dhanraj), ఇమ్మాన్యూయేల్ ఇత‌ర పాత్ర‌ల్లో న‌టిస్తున్నారు.

సుధీర్ శ్రీరామ్(Sudheer Sreeram) ఈ సినిమాకు ద‌ర్శ‌క‌త్వం వ‌హించ‌గా రంజిన్ రాజ్(Ranjin Raj) సంగీతం అందిస్తున్నాడు. అయితే ఈ చిత్రం ఈ నెల 12న ఈటీవీ విన్‌(ETV Win)లో స్ట్రీమింగ్‌ కానున్నది. ఈ క్రమంలో తాజాగా కమెడియన్, బిగ్ బాస్ కంటెస్టెంట్ ఇమ్మాన్యుయెల్‌ ఫస్ట్ లుక్‌ను రిలీజ్ చేశారు మేకర్స్. ఈ మేరకు ఎక్స్ వేదికగా ఓ స్పెషల్ పోస్టర్‌ను పంచుకుంటూ.. ‘లుక్స్ సీరియస్‌గా ఉన్నా.. పక్కా ఎంటర్‌టైన్‌మెంట్ గ్యారెంటీ.

ఇమ్మాన్యుయేల్ మైఖేల్‌గా - తనదైన శైలిలో నవ్వులు పూయించడానికి సిద్ధంగా ఉన్నాడు. సంప్రదాయిని సుప్పిని సుద్దపూసని పిచ్చికి 6 రోజులు మిగిలి ఉన్నాయి .. ఒక @etvwin అసలు చిత్రం రాబోతుంది’ అని రాసుకొచ్చారు. ఇక పోస్టర్‌లో ఇమ్మూ ముక్కుకు బ్యాండేజ్‌తో శాడ్‌గా కనిపించాడు. ఇందులో అతను మైఖేల్ పాత్రలో కనిపించనున్నట్లు తెలుస్తోంది. ప్రస్తుతం ఈ పోస్ట్ సోషల్ మీడియాలో వైరల్‌గా మారింది.