కలలో కూడా ఊహించని.. జీవితంలో ఒకే ఒక్కసారి వచ్చే అవకాశం ఇది: కొరియోగ్రాఫర్ పొలాకి విజయ్

దిశ, వెబ్‌డెస్క్: అనిల్ రావిపూడి దర్శకత్వంలో మెగాస్టార్ చిరంజీవి - నయనతార కాంబినేషన్లో రూపొందుతోన్న చిత్రం మన శంకర వరప్రసాద్ గారు. ఈ సినిమాలో విక్టరీ వెంకటేష్ గెస్ట్ రోల్ లో కనిపించనున్నట్లు ఇటీవలే చిత్రయూనిట్ ప్రకటించిన విషయం తెలిసిందే. చిరంజీవి, వెంకటేష్ కలిసి స్పెషల్ పాటలో కనిపించనుండగా.. ఆ పాటకు కొరియోగ్రఫీ చేసింది తానేనని కొరియోగ్రాఫర్ పొలాకి విజయ్ తెలిపారు. వీరిద్దరికీ కలిపి ఒకేపాటలో కొరియోగ్రఫీ చేయడం.. కలలో కూడా ఊహించని, జీవితంలో ఒకే ఒక్కసారి వచ్చే అవకాశమని ట్విట్టర్ వేదికగా తెలిపారు. ఈ సందర్భంగా భావోద్వేగానికి గురయ్యారు.

చిరంజీవి, వెంకటేశ్ లు తమ అద్భుతమైన గ్రేస్, చరిష్మాతో సెట్స్ లో అదరగొడుతున్నారు. ఈ అవకాశం తనకు లభించడం మాటల్లో చెప్పలేనంత సంతోషంగా ఉందన్నారు. ఇదొక మెగా విక్టరీ మాస్ డ్యూయో అని అభివర్ణించారు. తనకు ఈ గొప్ప అవకాశం ఇచ్చిన డైరెక్టర్ అనిల్ రావిపూడి, నిర్మాతలు సుస్మిత, సాహు గార్లకు హృదయపూర్వక కృతజ్ఞతలు తెలిపారు. చిరంజీవి తనకు ఎప్పటికీ స్ఫూర్తి అని, ఆయనకు ప్రత్యేక కృతజ్ఞతలు చెప్పారు. తాను కొరియోగ్రఫీ చేసిన మీసాలపిల్ల పాటను పెద్ద హిట్ చేసిన ప్రేక్షకులకు ధన్యవాదాలు తెలిపారు.