'మన శంకర వరప్రసాద్‌గారు' లో పాట పాడింది ఆ హీరో మేన కోడ‌లా ?

దిశ‌, వెబ్ డెస్క్‌: మెగాస్టార్ చిరంజీవి నటించిన లేటెస్ట్ మూవీ మన శంకర వరప్రసాద్ గారు ( Mana Shankara Vara Prasad Garu). అనిల్ రావిపూడి దర్శకత్వంలో వచ్చిన ఈ సినిమాలో చిరంజీవి హీరోగా చేయగా నయనతార హీరోయిన్ గా నటించి అందరిని మెప్పించారు. అటు విక్టరీ వెంకటేష్ 20 నిమిషాల పాటు ఈ సినిమాలో సందడి చేశారు. క‌న్న‌డ వాడి పాత్ర చేసి అందరిని నవ్వించారు. ఈ సినిమా సంక్రాంతి కానుకగా రిలీజ్ అయి సక్సెస్ ఫుల్ గా దూసుకు వెళ్తోంది.

చిరంజీవి సినిమాలో ఆయన మేనకోడలు

మెగాస్టార్ చిరంజీవి నటించిన మన శంకర వరప్రసాద్ గారు సినిమా గురించి ఆసక్తికర విషయం బయటకు వచ్చింది. ఈ సినిమాలో మెగాస్టార్ చిరంజీవి మేనకోడలు కూడా ఉన్నారట. మన శంకర వరప్రసాద్ గారు సినిమాలో ఫ్లైయింగ్ హై ( Flying High ) అని పాట ఉందన్న సంగతి తెలిసిందే. అయితే ఈ పాటని చిరంజీవి మేనకోడలు పాడినట్లు తాజాగా దర్శకుడు అనిల్ వెల్లడించారు. చిరంజీవి సోదరి మాధవి కుమార్తె నైరా ఈ పాట పాడినట్లు స్పష్టం చేశారు.

ఈమె సింగపూర్ లో మ్యూజిక్ నేర్చుకున్నారట. చిరంజీవి సినిమాతోనే తెలుగులోకి ఎంట్రీ ఇచ్చారు నైరా. ఇక ఈమె పాడిన పూర్తి పాటను రేపు రిలీజ్ చేయనున్నట్లు చిత్ర బృందం కూడా ప్రకటించింది. కాగా మెగాస్టార్ చిరంజీవి నటించిన ఈ సినిమాకు 300 కోట్లకు పైగా కలెక్షన్స్ వచ్చాయి. మొత్తంగా ఈ మూవీ 500 కోట్లు క్రాస్ చేసే ఛాన్సులు స్పష్టంగా కనిపిస్తున్నాయి. ఫిబ్రవరి చివరి వారంలో ఈ మూవీ OTT లోకి వస్తుందని అంటున్నారు. క్లిక్