డార్క్ కామెడీ జానర్‌లో చాందిని చౌదరి.. కొత్త సినిమా అప్డేట్ ఇచ్చిన హీరోయిన్

దిశ, సినిమా: ‘కలర్’ ఫొటో చిత్రంతో టాలీవుడ్ ఇండస్ట్రీలో తనకంటూ స్పెషల్ ఇమేజ్ క్రియేట్ చేసుకున్న చాందినీ చౌదరి.. ప్రస్తుతం సంతాన ప్రాప్తిరస్తు సినిమాతో బిజీగా ఉంది. త్వరలో ఈ మూవీ ప్రేక్షకుల ముందుకు వచ్చేందుకు సిద్ధంగా ఉండగా.. తాజాగా మరో కొత్త సినిమా మొదలు పెట్టింది. చాందినీ చౌదరి, సుశాంత్ యాష్కీ ప్రధాన పాత్రల్లో నటిస్తున్న ఈ మూవీని సహచారి క్రియేషన్స్ బ్యానర్‌పై సృజన గోపాల్ నిర్మాస్తుండగా.. వికాస్ దర్శకత్వం వహిస్తున్నాడు. సైన్స్ ఫిక్షన్ డార్క్ కామెడీ జానర్‌లో ఈ చిత్రం తెరకెక్కబోతుండగా.. తాజాగా దీనిపై అఫీషియల్ అనౌన్స్‌మెంట్ ఇచ్చింది హీరోయిన్. ఈ మేరకు ఈ సినిమాకు సంబంధించిన పూజ కార్యక్రమాలు జరిగినట్లు తెలుపుతూ కొన్ని ఫొటోలను షేర్ చేసింది.

ముహూర్తపు సన్నివేశానికి దర్శకుడు తరుణ్ భాస్కర్ క్లాన్ కొట్టి చిత్ర బృందానికి ఆల్ ది బెస్ట్ తెలిపారు. ఈ సందర్భంగా నిర్మాత సృజన గోపాల్ మాట్లాడుతూ.. సైన్స్ ఫిక్షన్ డార్క్ కామెడీ జానెర్లో ఆడియన్స్‌కి ఒక కొత్త అనుభవం ఇచ్చేందుకు సిద్ధం అవుతున్నది సహచారి క్రియేటషన్స్. ఎవరూ ఊహించని ఒక సూపర్ హీరోని ఈ సినిమాతో పరిచయం చేస్తున్నాము. ఈ సినిమా కాన్సెప్ట్ వీడియోను త్వరలోనే విడుదల చేస్తాము. నవంబర్ చివరిలో హైదరాబాద్‌‌లో షూటింగ్ ప్రారంభం కానుంది’ అని చెప్పుకొచ్చాడు.