10 కోట్ల బడ్జెట్.. కట్ చేస్తే వారంలో 100 కోట్లు.. చిన్న సినిమాకెందుకింత క్రేజ్?
10 కోట్ల బడ్జెట్తో రూపొందిన 'వజా 2' మూవీ కేవలం వారం రోజుల్లోనే 100 కోట్లకు పైగా కలెక్షన్లను రాబట్టింది.
దిశ, వెబ్ డెస్క్: కొన్ని సంవత్సరాలు వెనక్కి వెళ్తే ఏదైనా సినిమాకు 100 కోట్ల కలెక్షన్లు రావడం అంటే చాలా పెద్ద విషయం. కానీ ఇప్పుడు కంటెంట్ బాగుంటే చిన్న సినిమాలు కూడా బాక్సాఫీస్ దగ్గర ఊచకోత కోస్తూ 100 కోట్ల కలెక్షన్లను ఈజీగా రాబడుతున్నాయి. తాజాగా ఓ చిన్న సినిమా కేవలం 10 కోట్ల బడ్జెట్తో రూపొంది విడుదలైన వారం రోజుల్లోనే 100 కోట్లకు పైగా వసూళ్లను సాధించి మాలీవుడ్ ఇండస్ట్రీని షేక్ చేసింది. ఇంతకీ ఆ సినిమా ఏదో అనుకుంటున్నారా? ఆ మూవీ మరేదో కాదు 'వజా 2'. ఈ చిత్రంలో స్టార్ హీరోలు నటించలేదు. అయినప్పటికీ కంటెంట్తో ప్రేక్షకులను బాగా ఆకట్టుకుంటోంది. ఇదివరకే విడుదలైన 'వజా 1' ప్రేక్షకులను బాగా మెప్పించడంతో, ఈ సీక్వెల్పై ప్రేక్షకుల్లో మంచి అంచనాలు ఏర్పడ్డాయి.
అలా మంచి అంచనాల నడుమ విడుదలైన ఈ మలయాళ చిత్రం కేవలం వారం రోజుల్లోనే 100 కోట్లకు పైగా కలెక్షన్లను రాబట్టింది. ఈ విషయాన్ని చిత్ర బృందం అధికారికంగా ప్రకటించింది. సినిమాలో మంచి కంటెంట్ ఉంటే స్టార్ హీరోలు లేకపోయినా భారీ వసూళ్లను సాధించవచ్చనే విషయానికి ఈ సినిమా మరో ఉదాహరణగా నిలిచిందని సినీ విశ్లేషకులు అభిప్రాయపడుతున్నారు. ఈ చిత్రంలో హషీర్ హెచ్, అలాన్ బిన్ సిరాజ్, అజిన్ జాయ్, వినాయక్ వి. ప్రధాన పాత్రల్లో నటించగా... విజయ్ బాబు, అజు వర్గీస్, బిజుకుట్టన్, అల్ఫోన్స్ పుత్రేన్, సుధీష్, అరుణ్, వినోద్ కేతమంగళం తదితరులు ముఖ్య పాత్రల్లో నటించారు. ఈ చిత్రానికి సవిన్ ఎస్.ఏ దర్శకత్వం వహించారు.
