వీడేంటి ఇలా ఉన్నాడు అని బాడీ షేమింగ్ చేశారు.. కన్నీళ్లు తెప్పిస్తున్న బిగ్ బాస్ తేజ ఎమోషనల్ కామెంట్స్

దిశ, వెబ్‌డెస్క్: తెలుగు ప్రేక్షకుల్లో బిగ్‌బాస్(Bigg Boss) షోకు మంచి ఆదరణ ఉంది. అయితే ఆ షోకు వెళ్లి వచ్చిన వారు చాలా మంది పాపులరై, జీవితంలో టాప్ రేంజ్‌కి వెళ్లినవారు ఉన్నారు. అలా బిగ్‌బాస్ షో వల్ల లాభపడిన కంటెస్టెంట్స్‌లో టేస్టీ తేజా(Tasty Teja) ఒకరు. కెరీర్ స్టార్టింగ్‌లో జబర్దస్త్ షోలో కామెడీ చేసిన ఇతను ఆ తర్వాత ఫుడ్ తింటున్న వ్లాగ్స్ చేయడం స్టార్ట్ చేశారు. అలా చాలా పెద్ద పెద్ద సెలబ్రిటీలతో కూడా ఫుడ్ వ్లాగ్ చేసి మంచి పాపులారిటీ సంపాదించుకున్నాడు. దీంతో అతనికి బిగ్ బాస్ హౌస్‌లో వెళ్ళే చాన్స్ వచ్చింది. అలా సీజన్ 7లో 9 వారాలు.. సీజన్ 8లో వైల్డ్ కార్డ్ ఎంట్రీ ద్వారా 13వ వారం వరకు హౌస్‌లో ఉన్నాడు. అలా క్రేజ్‌తో పాటు భారీగా రెమ్యునరేషన్ అందుకున్నాడు.

ఇదిలా ఉంటే.. తాజాగా జబర్దస్త్ వర్ష హోస్ట్‌గా వ్యవహరిస్తున్న కిస్సిక్ టాక్ షోకు గెస్ట్‌గా వచ్చిన టేస్టీ తేజా తన జీవితంలో ఎదురైన ఇబ్బందులను పంచుకున్నాడు. ఆయన మాట్లాడుతూ.. ‘నా ఫ్రాంచైస్‌లో టీ ధర 20 రూపాయలు. నాకు అమ్మాయిలతో అంత బాగా ఫ్రెండ్‌షిప్ చేసేంత సీన్ లేదు. ఇన్‌సెక్యూర్ ఫీలింగ్ ఉంది నాకు.. నా బాడీ స్ట్రక్చర్, నా కలర్ దానికి కారణం కావొచ్చు. చదువుకునేటప్పుడు క్లాస్‌లో అమ్మాయిల మధ్యలో నడుస్తూ వెళ్తున్నప్పుడు వీడేంటీ ఇలా నడుస్తున్నాడు? వీడు ఇంత లావు ఉన్నాడు అనేవారు. 8 ఏళ్ల పాటు నేను ఒక్క అమ్మాయితో కూడా మాట్లాడలేదు. అందుకే ఇంకా ఇన్‌ఫియారిటీ కాంప్లెక్స్‌ నాలో ఎక్కువైపోయింది’ అని టేస్టీ తేజా ఆవేదన వ్యక్తం చేశాడు.

అలాగే ఎవరైనా ఒక అమ్మాయి వచ్చి నీకు ప్రపోజ్ చేసి నువ్వు సిక్స్ ప్యాక్ చేయ్ తేజా అంటే ఏం చేస్తావని వర్ష అడగ్గా.. ‘నాకు బిగ్‌బాస్ ప్రియాంక జైన్ ఆఫర్ ఇచ్చిందని తేజ చెప్పాడు. నువ్వు సిక్స్ ప్యాక్ చేయ్.. మనోడిని వదిలేస్తానని చెప్పగా దండం పెట్టేశా. ఆ వెంటనే లైవ్‌లోనే ప్రియాంకకు ఫోన్ చేయగా.. నిన్ను పెళ్లి చేసుకుంటా, శివని పర్మిషన్ అడిగేదేంటీ? వాడు ఇంకెవరినో పెళ్లి చేసుకుంటాడని ప్రియాంక ఆన్సర్ ఇచ్చింది. ప్రస్తుతం కిస్సిక్ టాక్ షోకు సంబంధించిన ప్రోమో నెట్టింట వైరల్ గా మారింది.