‘మన శంకర వరప్రసాద్ గారు’ నుంచి మరో క్రేజీ పోస్టర్ రిలీజ్..

దిశ, వెబ్‌డెస్క్: మెగాస్టార్ చిరంజీవి(Chiranjeevi) ‘మన శంకర వర ప్రసాద్‌గారు’ (mana shankara varaprasad garu)సినిమాతో ప్రేక్షకులను అలరించేందుకు సిద్ధమవుతున్నారు. ఈ చిత్రాన్ని అనిల్ రావిపూడి (Anil Ravipudi) తెరకెక్కిస్తుండగా షైన్ స్క్రీన్స్, గోల్డ్ బాక్స్ ఎంటర్‌టైన్‌మెంట్స్ బ్యానర్స్ పై సాహు గారపాటి, సుష్మిత కొణిదెల నిర్మిస్తున్నారు. ఇక లేడీ సూపర్ స్టార్ నయనతార ఇందులో హీరోయిన్‌గా నటిస్తుండగా టాలీవుడ్ స్టార్ హీరో విక్టరీ వెంకటేష్ గెస్ట్ రోల్‌లో కనిపించబోతున్నారు.

అయితే అనిల్ రావిపూడి దర్శకత్వంలో వచ్చిన ‘సంక్రాంతికి వస్తున్నాం’ బ్లాక్ బస్టర్ హిట్ తర్వాత ‘మన శంకర వరప్రసాద్’ రూపొందిస్తుండటంతో ప్రేక్షకుల్లో భారీ అంచనాలు నెలకొన్నాయి. ఇక ఇప్పటికే ఇందులోంచి వచ్చిన పోస్టర్స్, సాంగ్స్‌ భారీ రెస్పాన్స్‌ను దక్కించుకున్నాయి. అయితే ఈ సినిమా సంక్రాంతి కానుకగా జనవరి 12న రిలీజ్ కానుంది.

దీంతో వ‌రుస‌గా ప్ర‌మోష‌న్స్‌లో భాగంగా జ‌న‌వరి 04న ట్రైల‌ర్‌ను విడుద‌ల చేయ‌బోతున్న‌ట్లు ప్ర‌క‌టించింది. అయితే తాజాగా ఈ సినిమా విడుద‌ల‌కు ఇంకా 9 రోజులు ఉంద‌ని తెలుపుతూ కౌంట్‌డౌన్ పోస్ట‌ర్‌ను పంచుకుంది. ఈ పోస్ట‌ర్‌లో చిరంజీవి సోఫాలో గన్ పట్టుకొని కూర్చొని ఉండగా.. వెనుక ఫైల్స్ పట్టుకొని అమృతం ఫేమ్ హ‌ర్ష‌వ‌ర్థ‌న్‌, హీరోయిన్ కేథ‌రిన్‌, అభిన‌వ్ గోమ‌ఠం నిలబడి ఉన్నారు. ప్రస్తుతం ఈ పోస్టర్ సోషల్ మీడియాలో వైరల్‌గా మారింది.

View this post on Instagram

A post shared by Shine Screens (@shinescreenscinema)