పవన్ కల్యాణ్ కోసం ఎమోషనల్ మెసేజ్ షేర్ చేసిన అన్నా కొణిదెల
పవన్ కల్యాణ్ సతీమణి అన్నా కొణిదెల తన ఇన్స్టా స్టోరీలో PKCW విడుదల చేసిన 'గెట్ వెల్ సూన్ పవన్ కల్యాణ్' సందేశాన్ని షేర్ చేశారు.
దిశ, వెబ్ డెస్క్: ఆంధ్రప్రదేశ్ ఉప ముఖ్యమంత్రి, జనసేన పార్టీ అధ్యక్షుడు పవన్ కల్యాణ్ ఇటీవల విజయవంతంగా శస్త్రచికిత్స చేయించుకున్న విషయం తెలిసిందే. ప్రస్తుతం ఆయన త్వరగా కోలుకోవాలని అభిమానులు, పార్టీ నాయకులు, సినీ ప్రముఖులు సోషల్ మీడియా వేదికగా కోరుకుంటున్నారు. ఈ నేపథ్యంలో పవన్ కల్యాణ్ సతీమణి అన్నా కొణిదెల తన అధికారిక ఇన్స్టాగ్రామ్ స్టోరీలో పవన్ కల్యాణ్ క్రియేటివ్ వర్క్స్ (PKCW) విడుదల చేసిన ప్రత్యేక సందేశాన్ని షేర్ చేశారు. ఆ సందేశంలో, "మా వ్యవస్థాపకుడు శ్రీ పవన్ కల్యాణ్ గారు విజయవంతమైన శస్త్రచికిత్స అనంతరం త్వరగా, సంపూర్ణ ఆరోగ్యంతో కోలుకోవాలని హృదయపూర్వకంగా కోరుకుంటున్నాం.
ఎన్నో జీవితాలను తాకిన ఆ చేతులు, లక్షలాది మంది ఆశలను మోసిన ఆ భుజాలు, ధైర్యానికి ప్రతీకగా నిలిచిన ఆ పిడికిలి మునుపటి కంటే మరింత బలంగా తిరిగి వస్తుంది. మీ అంకితభావం, ప్రజాసేవ పట్ల మీ నిబద్ధత కోట్లాది మందికి స్ఫూర్తిగా నిలుస్తోంది. మీరు త్వరగా కోలుకుని మరింత శక్తివంతంగా ప్రజాసేవలోకి తిరిగి రావాలని ఎదురుచూస్తున్నాం" అని పేర్కొన్నారు. అన్నా కొణిదెల ఈ సందేశాన్ని తన సోషల్ మీడియా ఖాతాలో హైలైట్ చేయడంతో అభిమానులు మరింత భావోద్వేగానికి గురయ్యారు. #GetWellSoonPawanKalyan హ్యాష్ట్యాగ్తో ఈ పోస్ట్ ప్రస్తుతం సోషల్ మీడియాలో వైరల్ అవుతోంది. పవన్ కల్యాణ్ త్వరగా సంపూర్ణ ఆరోగ్యంతో కోలుకోవాలని అభిమానులు పెద్ద ఎత్తున ప్రార్థనలు చేస్తూ శుభాకాంక్షలు తెలియజేస్తున్నారు.
