బాలీవుడ్ ఎంట్రీకి సిద్ధం అయిన అల్లు అర్జున్.. డైరెక్టర్ ఎవరంటే?

దిశ, సినిమా: ఐకాన్ స్టార్ అల్లు అర్జున్, కోలీవుడ్ డైరెక్టర్ అట్లీ కాంబినేషన్‌లో ఓ భారీ బడ్జెట్ చిత్రం రాబోతున్న విషయం తెలిసిదే. రీసెంట్ ఈ చిత్రానికి ‘కారా’ అనే టైటిల్‌ను ఫిక్స్ చేస్తూ ఫ్యాన్స్‌కు అదిరిపోయే ట్రీట్ ఇచ్చారు మేకర్స్. అంతే కాకుండా.. ఫస్ట్ లుక్ పోస్టర్‌తో సినిమా రేంజ్‌ను సినీ ప్రేక్షకులకు చూపించారు. ప్రజెంట్ ఈ చిత్రం షూటింగ్ దశలో ఉండగా.. ఆ పనుల్లో బిజీగా ఉన్నాడు. ఈ క్రమంలోనే అల్లు అర్జున్ తదుపరి ప్రాజెక్టుకు సంబంధించి ఓ ఇంట్రెస్టింగ్ అప్డేట్ వచ్చింది. ఈ మేరకు ఇండస్ట్రీలో బలంగా వినిపిస్తున్న టాక్ ఏంటంటే.. విజయేంద్ర ప్రసాద్ కథతో అల్లు అర్జున్ బాలీవుడ్ డైరెక్టర్ సంజీయ్ లీలా బన్సాలీతో ఓ చిత్రం కన్ఫర్మ్ అయినట్లు టాక్.

ఇద్దరూ ముంబైలో పలుమార్లు కలిసినట్టు తెలుస్తుండగా.. దాదాపు ఈ కాంబినేషన్ ఫిక్స్ అయినట్లు టాక్ నడుస్తుంది. అయితే.. ప్రస్తుతం బన్నీ తమిళంలోదర్శకుడు అట్లీతో వర్క్ చేస్తుండగా.. మలయాళంలో బాసిల్ జోసెఫ్‌తో కూడా ఓ ప్రాజెక్టు ఓకే చేసినట్లు కూడా వార్తలు వచ్చాయి. అలాగే ఇప్పుడు హిందీలో సంజయ్ లీలా బన్సాలీతో సినిమా ఓకే అయినట్లు తెలుస్తుండగా.. ఫ్యాన్స్ ఫుల్ ఖుష్ అవుతున్నారు. సౌత్ నుంచి నార్త్ వరకు మార్కెట్‌ను మరింత విస్తరించడానికి బన్నీ స్ట్రాంగ్ ప్లానింగ్‌లో ఉన్నట్టు కనిపిస్తోంది. ప్రతి ఇండస్ట్రీలో టాప్ డైరెక్టర్లతో సినిమాలు చేస్తూ, తన రేంజ్‌ను మరో లెవల్‌కు తీసుకెళ్లాలని ప్లాన్ చేసుకుంటున్నాడని అభిప్రాయ పడుతున్నారు ఫ్యాన్స్.