Adi Pinisetty: ఆది పినిశెట్టి ‘శబ్దం’ సినిమా అప్డేట్.. అంచనాలను పెంచుతున్న పోస్టర్

దిశ, సినిమా: హీరో ఆది పినిశెట్టి(Adi Pinisetty) ‘వి’చిత్రం ద్వారా సినీ రంగంలోకి అడుగుపెట్టారు. ‘వైశాలి’ మూవీతో ఫుల్ ఫేమ్ తెచ్చుకుని ఆ తర్వాత వరుస సినిమాల్లో నటించారు. ఓ వైపు హీరోగా నటిస్తూనే విలన్‌ క్యారెక్టర్‌లో తన నటనతో అందరినీ షాక్‌కు గురి చేశారు. రంగస్థలం, సరైనోడు, ది వారియర్(The Warrior), వంటి చిత్రాల్లో విలన్‌గా చేసి తన పాపులారిటీ పెంచుకున్నాడు. ఇక చివరగా ఆయన ‘పార్ట్‌నర్’ తో ప్రేక్షకులను అలరించారు. ఆ తర్వాత ఏడాది పాటు సినిమాలకు దూరంగా ఉన్నారు. తెలుగు, తమిళ భాషల్లో తనకంటూ ప్రత్యేక గుర్తింపు తెచ్చుకున్న ఆది పినిశెట్టి సెలెక్టివ్‌గా సినిమాలు చేస్తున్నారు.

ప్రస్తుతం ఆయన నటిస్తున్న తాజా చిత్రం ‘శబ్దం’. దీనిని ‘వైశాలి’ ఫేమ్ అరివళిగన్ తెరకెక్కిస్తుండగా.. 7జి ఫిల్మ్స్ శివ, అల్ఫా ఫ్రేమ్స్ బ్యానర్స్‌పై భానుప్రియ, శివ నిర్మిస్తున్నారు. అయితే ఈ చిత్రానికి తమన్ సంగీతం అందిస్తుండగా.. మనోజ్ కుమార్ ఆర్ట్ డైరెక్టర్‌గా పని చేస్తున్నారు. తెలుగు, తమిళ బాషల్లో ఏకకాంలగా రూపొందుతున్న ‘శబ్దం’(Sabdham )లో లక్ష్మీ మీనన్(Lakshmi Menon) హీరోయిన్‌గా నటిస్తుంది. హారర్ నేపథ్యంలో వస్తున్న ఆ సినిమాలో సీనియర్ హీరోయిన్ లైలా కూడా ఓ ప్రధాన పాత్రలో కనిపించనుంది.

అయితే ఇప్పటికే ఇందులోంచి వచ్చిన పోస్టర్స్ అన్ని భారీ అంచనాలను పెంచాయి. షూటింగ్ శరవేగంగా జరుపుకుంటున్న ‘శబ్దం’ రిలీజ్ సిద్ధమైనట్లు మేకర్స్ వెల్లడించారు. తాజాగా, విడుదల తేదీని ప్రకటిస్తూ ఆది పినిశెట్టి పోస్టర్‌ను షేర్ చేశారు. అయితే ఈ మూవీ ఫిబ్రవరి 28న తెలుగు, హిందీ, తమిళ, కన్నడ భాషల్లో థియేటర్స్‌లో రిలీజ్ కానుంది. ఇక ఈ పోస్టర్‌లో ఆది మైక్‌లాంటి వస్తువును చేతులకు వేసుకుని ఉండగా.. వెనకాల గ్రద్ద రెక్కలను జత చేయగా.. కోపంగా చూస్తూ కనిపించారు. ‘శబ్దం’ పోస్టర్ ప్రేక్షకుల్లో హైప్ పెంచుతోంది.

Sound creates thrills! Want to know how? 🔊#Sabdham is releasing on February 28.#SabdhamFromFeb28

Starring @AadhiOfficial
An @dirarivazhagan Film
A @MusicThaman Musical

Produced by @7GFilmsSiva
@prosathish @S2MediaOffl @decoffl pic.twitter.com/rCfek2kP2I

— Aadhi🎭 (@AadhiOfficial) February 3, 2025