మహిళను వేధిస్తున్న ఐదుగురిపై కేసు

దిశ, వెబ్‎డెస్క్: ఓ మహిళను లైంగికంగా వేధిస్తున్న ఐదుగురిపై పోలీసులు పోలీసులు కేసు నమోదు చేశారు. ఈ ఘటన పశ్చిమ గోదావరి జిల్లా కామవరపుకోట మండలం వీరంపాలెంలో చోటు చేసుకుంది.

వివరాల్లోకి వెళ్తే.. వీరంపాలెం గ్రామానికి చెందిన ఓ వివాహిత స్నానం చేస్తుండగా ఆమె స్నేహితుడు సెల్‎ఫోన్‎లో వీడియో తీశాడు. అనంతరం ఆ వీడియోను తన స్నేహితులకు పంపాడు. వీడియోను అడ్డం పెట్టుకుని ఐదుగురు వ్యక్తులు ఆమెను లైంగిక వేధింపులకు గురిచేశారు. దీంతో బాధితురాలు తడికలపూడి పోలీస్ స్టేషన్‌లో ఫిర్యాదు చేసింది. ఈ మేరకు ఐదుగురిపై కేసు నమోదు చేసి దర్యాప్తు చేపట్టారు.