గూగుల్ పే, పేటీఎం, ఫోన్‌ పే యూజర్లకు గుడ్ న్యూస్.. NPCI కీలక ప్రకటన
దిశ, డైనమిక్ బ్యూరో: యూపీఐ ఆధారంగా పనిచేసే గూగుల్ పే, పేటీఎం వంటి యాప్స్ ద్వారా రూ.2000కు మించి చేసే మర్చంట్ లావాదేవీలపై సర్ఛార్జ్ చెల్లించాలన్న వార్తలపై సర్వత్రా విమర్శలు వ్యక్తమవుతున్నాయి. దీనిపై ప్రతిపక్షాలు, ప్రజలు ఆగ్రహం వ్యక్తం చేస్తున్నారు. యూపీఐ వినియోగదారులు అందరికి ఈ చార్జీలు వర్తిస్తాయని ఆందోళన చెందగా, అలాంటిదేమీ లేదని భారత జాతీయ చెల్లింపుల సంస్థ(ఎన్పీసీఐ) బుధవారం స్పష్టం చేసింది. ప్రీపెయిడ్ పేమెంట్స్ఇన్స్ట్రుమెంట్స్ ద్వారా చేసే మర్చంట్ ట్రాన్సాక్షన్స్‌కు మాత్రమే ఇది వర్తిస్తుందని తెలిపింది. సాధారణ వినియోగదారులపై ఎలాంటి అదనపు భారం ఉండదని తేల్చిచెప్పింది.
అంతకుముందు యూనిఫైడ్ పేమెంట్స్ఇంటర్ఫేస్-యూపీఐ ద్వారా చేసే మర్చంట్ లావాదేవీలపై ప్రీపెయిడ్ పేమెంట్స్ఇన్స్ట్రుమెంట్స్- పీపీఐఫీజు వసూలు చేయనున్నట్లు ఎన్పీసీఐ ఓ ప్రకటన విడుదల చేసింది. యూపీఐ ద్వారా రూ.2000 కన్నా ఎక్కువ ట్రాన్సక్షన్లు చేస్తే లావాదేవి విలువలో 1.1 శాతం పన్ను విధించనున్నట్లు తెలిపింది. సెప్టెంబర్ 30 నాటికి ఈ ఛార్జీపై సమీక్షిస్తామని చెప్పింది. ట్రాన్సాక్షన్ఆమోదించడం, ప్రాసెస్ చేయడం, పూర్తి చేయడానికి సంబంధించిన ఖర్చుల దృష్ట్యా ఈ సర్ఛార్జ్ విధిస్తున్నట్లు జాతీయ చెల్లింపుల సంస్థ- ఎన్పీసీఐ స్పష్టం చేసింది. కొత్త నిబంధనలు ఏప్రిల్ 1న అమల్లోకి వస్తాయని తెలిపింది.
