Silver ETF: దూసుకుపోతున్న వెండి.. పెట్టుబడులకు ఉన్న ఆప్షన్స్ ఏంటి?

దిశ, వెబ్ డెస్క్: Silver ETF: నిజానికి ఫిజికల్ వెండిలో పెట్టుబడి పెడితే రాబడులు అంతగా రాకపోవచ్చు. దీన్ని భద్రపరచడం, కొనుగోలు చేయడం, తిరిగి అమ్మడం వంటి అంశాల్లో కొన్ని సమస్యలు ఎదురవుతాయి. అయితే, సిల్వర్ ETFలు మార్కెట్‌లో ట్రేడ్ చేయగలిగే ఫండ్స్‌గా ఉంటాయి.

ఇటీవల బంగారం, వెండి ధరలు విపరీతంగా పెరిగిపోతున్నాయి. ఒకదానికంటే మరొకటి రికార్డులు బద్దలుగొడుతున్నాయి. ప్రస్తుతం వెండి కిలో ధర లక్ష రూపాయల వద్దకు చేరువవుతుండగా, 10 గ్రాముల 24 క్యారెట్ల బంగారం ధర కూడా అదే దిశగా పయనిస్తోంది. నిపుణుల అభిప్రాయం ప్రకారం, ఇవి రెండు పెట్టుబడుల పరంగా విశేషమైన అవకాశాలు కలిగినవని భావిస్తున్నారు.

సిల్వర్ ETFలు:

బంగారానికి అందుబాటులో ఉన్న ఈటీఎఫ్‌లు (Exchange Traded Funds) వెండికి కూడా అందుబాటులో ఉన్నాయి. రిటైల్ ఇన్వెస్టర్ల నుంచి వీటి డిమాండ్ పెరుగుతోంది, ముఖ్యంగా లిక్విడిటీ సౌలభ్యం, భద్రత వంటి ప్రయోజనాల వల్ల. అంతేకాదు, సిల్వర్ ETFలు గతంలో గోల్డ్ ETFల కంటే అధిక రాబడులను అందించిన సందర్భాలు ఉన్నాయి. బంగారాన్ని కొనలేని కొందరు పెట్టుబడిదారులు వెండిని ఎంచుకోవడం ద్వారా మార్కెట్లో దీని డిమాండ్ నిలకడగా ఉంటుంది.

2024లో వెండి పెట్టుబడిదారులకు 10శాతం పైగా రాబడిని అందించగా, 2025లో ఇది 35శాతం వరకూ పెరిగే అవకాశముందని విశ్లేషకులు అంచనా వేస్తున్నారు.

సిల్వర్ ETF ఎందుకు మంచిది?

నిజానికి ఫిజికల్ వెండిలో పెట్టుబడి పెడితే రాబడులు అంతగా రాకపోవచ్చు. దీన్ని భద్రపరచడం, కొనుగోలు చేయడం, తిరిగి అమ్మడం వంటి అంశాల్లో కొన్ని సమస్యలు ఎదురవుతాయి. అయితే, సిల్వర్ ETFలు మార్కెట్‌లో ట్రేడ్ చేయగలిగే ఫండ్స్‌గా ఉంటాయి. వీటిలోని 95% వరకు నిధులు ఫిజికల్ వెండిలో లేదా వెండి సంబంధిత ఉత్పత్తుల్లో పెట్టుబడి పెడతారు. వెండి ధర పెరిగినప్పుడు, ఈటీఎఫ్‌ల విలువ కూడా పెరుగుతుంది.

ఇంకా, వెండి ఈటీఎఫ్‌లను షేర్లలాగా మార్కెట్‌లో కొనుగోలు చేసి, అమ్ముకోవచ్చు. తక్కువ రిస్క్ ఉండే ఈ మార్గం పెట్టుబడిదారులకు ఉత్తమమైనదిగా భావించబడుతోంది. భౌతిక వెండిని నిల్వ చేసేటప్పుడు చోరీ అవ్వడం లేదా పోగొట్టుకోవడం వంటి సమస్యలు ఉంటాయి. కానీ ETFలతో అలాంటి రిస్క్ ఉండదు.

ఏది పెట్టుబడికి బెటర్?

బంగారం, వెండి రెండింటి మధ్య ప్రధాన తేడాలు కొన్ని ఉన్నప్పటికీ, పెట్టుబడి దృష్ట్యా రెండూ మంచి ఎంపికలే. అయితే, బంగారం ఆభరణాలను తాకట్టు పెట్టి రుణాలు పొందే అవకాశం ఉంది, కానీ వెండి విషయంలో అలా సాధ్యపడదు. పెట్టుబడిదారులు తమ అవసరాలను, మార్కెట్ స్థితిగతులను బట్టి నిర్ణయం తీసుకోవడం మంచిది.