Hyundai Motor: ధరలు పెంచిన హ్యూండాయ్ మోటార్ ఇండియా

దిశ, బిజినెస్ బ్యూరో: ప్రముఖ కార్ల తయారీ సంస్థ హ్యూండాయ్ ధరలు పెంచుతున్నట్టు ప్రకటించింది. కార్ల తయారీలో కీలకమైన ముడిసరుకు వ్యయం పెరిగిపోవడంతో కంపెనీ పోర్ట్‌ఫోలియోలోని అన్ని వాహనాల ధరలను 1 శాతం వరకు పెంచనున్నట్లు హ్యుండాయ్ మోటార్ ఇండియా బుధవారం ప్రకటనలో తెలిపింది. సవరించిన ధరలు మే నెల నుంచి అమల్లోకి వస్తాయని కంపెనీ రెగ్యులేటరీ ఫైలింగ్‌లో పేర్కొంది. కారు మోడల్, వేరియంట్‌ను బట్టి ధరల పెంపులో మార్పులు ఉంటాయని స్పష్టం చేసింది. ధరల హెచ్చుతగ్గుల భారాన్ని వినియోగదారులపై పడకుండా ఉండేందుకు ప్రయత్నిస్తున్నాం. పెరుగుతున్న ఖర్చులను కారణంగా కొంతవరకు ధరల భారాన్ని బదిలీ చేశామని కంపెనీ వివరణ ఇచ్చింది.