మళ్ళీ పెరిగిన బంగారం ధరలు

దిశ, వెబ్ డెస్క్ : నేడు బంగారం ధరలు మళ్లీ పుంజుకున్నాయి. గత రెండు రోజులుగా తగ్గిన గోల్డ్, సిల్వర్ రేట్స్ గురువారం స్వల్పంగా పెరిగాయి. హైదరాబాద్‌లో 24 క్యారెట్ల గోల్డ్ రూ.600 పెరిగి రూ.1,21,910 ఉండగా.. 22 క్యారెట్ల రూ.1,11,750 కి చేరింది. ఇక వెండి కిలో రూ.1,64,000 గా ఉంది. యూఎస్‌లో సుదీర్ఘమైన ప్రభుత్వ షట్‌డౌన్‌తో ఆర్థిక అనిశ్చితి, డాలర్ ఇండెక్స్ 0.29% తగ్గి 99.97కి పడిపోవడం వంటివి బంగారం, వెండి ధరలు అటు ఇటూ ఊగిసలాడటానికి కారణం అవుతున్నాయని మార్కెట్ నిపుణులు చెబుతున్నారు. మరోవైపు వరల్డ్ ట్రేడ్ లో ఔన్సు బంగారం $4,008.19కి, సిల్వర్ $48.60 కి చేరాయి.