తెలంగాణ యూనివర్శిటీలో 16 ఏళ్ల తర్వాత ఆ విధానం అమల్లోకి..!

దిశ, నిజామాబాద్ రూరల్ : నిజామాబాద్ రూరల్ నియోజకవర్గం డిచ్పల్లి మండల కేంద్రంలో గల తెలంగాణ యూనివర్సిటీలో దాదాపు 16 సంవత్సరాల తర్వాత బయోమెట్రిక్ విధానాన్ని అమలు చేశారు. గత రెండు రోజుల క్రితం జరిగిన ఈసీ సమావేశం తర్వాత సారంగాపూర్ బీఈడీ కాలేజ్, కామారెడ్డి జిల్లా బిక్నూర్ సౌత్ క్యాంపస్‌లో బయోమెట్రిక్ విధానాన్ని అమలు పరిచినట్టు రిజిస్ట్రార్ యాదగిరి సోమవారం పేర్కొన్నారు. బయోమెట్రిక్ విధానం లేకనే ఉద్యోగులు విధుల్లో నిర్లక్ష్యం వహించారని తెలిపారు. ఈసీ అధికారుల ఆదేశానుసారం బయోమెట్రిక్ విధానాన్ని మరల తీసుకొచ్చినట్టు రిజిస్ర్టార్ యాదగిరి స్పష్టం చేశారు.