ఆ విమర్శలపై స్పందించిన ఇమ్ము.. అలాంటి మహానటులు ఇంకా పుట్టలేదంటూ ఇంట్రెస్టింగ్ కామెంట్స్

దిశ, వెబ్‌డెస్క్: కమెడియన్ ఇమ్మాన్యుయేల్ గురించి స్పెషల్‌గా చెప్పాల్సిన పనిలేదు. జబర్దస్త్‌ షోలో ఎంతగానో నవ్వించిన ఆయనకు బిగ్ బాస్ సీజన్-9‌లో కంటెస్టెంగ్‌గా వెళ్లే అవకాశం వచ్చింది. అలా హౌస్‌లోకి అడుగుపెట్టిన ఆయన తన మార్క్ కామెడీతో ఆడియన్స్‌ని ఒక రేంజ్‌లో ఆకట్టుకున్నాడు. కేవలం ఎంటర్టైన్మెంట్ మాత్రమే కాదు బిగ్ బాస్ పెట్టిన ప్రతి టాస్కుల్లో కూడా తన హండ్రెడ్ పర్సెంట్ ఇచ్చాడు.

దీంతో ఈ సీజన్ విన్నర్ అతనే అన్ని చాలామంది ఫిక్స్ అయ్యారు. కానీ, బ్యాడ్ లక్ ఆయన కేవలం టాప్ 5తోనే సరిపెట్టుకోవాల్సి వచ్చింది. ఇక బయటకు వచ్చాక ఇమ్ము తాజాగా ప్రెస్ మీట్ పెట్టి వారు అడిగే క్వశ్చన్స్‌కి ఆన్సర్ చేశారు. ఇందులో భాగంగా బిగ్ బాస్ హౌస్‌లో కంటెస్టెంట్స్ అందరూ నటిస్తారనే విమర్శలపై ఇమ్మాన్యుయేల్ స్పందించాడు.

ఆయన మాట్లాడుతూ.. “బిగ్ బాస్ ఇంట్లో ప్రతి ఒక్కరూ నటిస్తారని బయట అనుకుంటారు. కానీ గంటల తరబడి, రోజుల తరబడి, వారాల పాటు నిరంతరం నటించగలిగే మహానటులు ఈ ప్రపంచంలో ఇంకా పుట్టలేదు. అక్కడ ప్రతి ఒక్కరి అసలు వ్యక్తిత్వం ఏదో ఒక సమయంలో బయటకు వస్తుంది. ఇక సంజనాతో నాకు ఏర్పడిన స్నేహం చాలా ప్రత్యేకమైనది. అది జీవితాంతం కొనసాగుతుంది” అంటూ చెప్పుకొచ్చాడు. ప్రస్తుతం ఆయన చేసిన కామెంట్స్ నెట్టింట వైరల్‌గా మారాయి.