టాప్5గా నిలిచిన సంజనకూ భారీగా పారితోషికం.. రోజుకెంతో తెలిస్తే షాకవ్వడం ఖాయం

దిశ, వెబ్‌డెస్క్: సర్దార్ గబ్బర్ సింగ్, బుజ్జిగాడు వంటి తెలుగు సినిమాలతో పాటు తమిళం, మలయాళం, కన్నడ భాషల్లోని సినిమాల్లో నటించిన సంజన గల్రానీ.. బిగ్ బాస్ తెలుగు సీజన్ 9లో సెలబ్రిటీ కంటెస్టంట్ గా అడుగుపెట్టి 15 వారాలపాటు హౌస్ లో తన ఆటతీరుతో ఆకట్టుకుంది. గుడ్డు దొంగతనం చేయడంతో అందరితో తిట్లు తిని అందరి చూపును తనవైపు తిప్పుకుంది. ఈ విషయంలో సంజనకు అండగా ఇమ్ము నిలబడ్డాడు. వారిద్దరి మధ్య తల్లి- కొడుకుల బంధం ఏర్పడటంతో ఇమ్ము నామినేషన్ లో లేనపుడు అతని ఫ్యాన్స్ సంజనకు ఓట్లేశారు. అలా సంజన టాప్ 5 కంటెస్టంట్ గా నిలబడింది.

గ్రాండ్ ఫినాలేలో టాప్ 5 ప్లేస్ లో ఎలిమినేట్ అయి బయటికొచ్చిన సంజన.. 105 రోజుల్లో రెమ్యూనరేషన్ తో బాగానే సంపాదించినట్లు బీబీ వర్గాలు చెబుతున్నాయి. సాధారణంగా టాప్ 5లో ఉన్నవారి రెమ్యూనరేషన్ భారీగానే ఉంటుంది. సంజన ఇండస్ట్రీ సెలబ్రిటీ కావడంతో ఇంకాస్త ఎక్కువ రెమ్యూనరేషన్ అందుకున్నట్లు తెలుస్తోంది. బిగ్ బాస్ హౌస్ లో ఉన్నందుకు ఆమెకు రోజుకు రూ.40 వేల చొప్పున వారానికి రూ.2,40,000 పారితోషికం తీసుకున్నట్లు సమాచారం. అంటే 15 వారాలకు గాను రూ.42 లక్షలు పారితోషికం ముట్టిందనమాట. కానీ.. బిగ్ బాస్ హౌస్ లోకి వెళ్లినవారికి ఈ స్థాయిలో రెమ్యూనరేషన్ అందుతుందా అన్న సందేహాలు కూడా వ్యక్తమవుతున్నాయి.