రేపు తెలుగు వర్సిటీలో బతుకమ్మ వేడుకలు.. ముఖ్య అతిథిగా తమిళిసై
దిశ ప్రతినిధి, హైదరాబాద్ : తెలంగాణ సంస్కృతికి ప్రతీక అయిన బతుకమ్మ పండుగను ఈ నెల 8వ తేదీన తెలుగు యూనివర్శిటీలో నిర్వహించనున్నట్లు యూనివర్సిటీ రిజిస్ట్రార్ భట్టు రమేష్ తెలిపారు. ఉదయం 11 గంటలకు మొదలయ్యే ఈ కార్యక్రమానికి రాష్ట్ర గవర్నర్ తమిళిసై సౌందరరాజన్ ముఖ్య అతిథిగా హాజరై వేడుకలను ప్రారంభించనున్నట్లు ఆయన పేర్కొన్నారు.
ఈ కార్యక్రమానికి వర్సిటీ వీసీ ప్రొఫెసర్ తంగేడ కిషన్ రావు అధ్యక్షత వహిస్తారని, విశిష్ట అతిథులుగా ఎమ్మెల్సీ కల్వకుంట్ల కవిత పాల్గొంటారని వివరించారు. ఈ సందర్భంగా విశ్వ విద్యాలయాల్లో బతుకమ్మపై పరిశోధన చేసిన వక్తల ప్రసంగాలు ఉంటాయని తెలిపారు. జాతీయ, అంతర్జాతీయ వేదికలపై బతుకమ్మ పాటలను ఆవిష్కరించిన సాంస్కృతిక సారధి, మహిళా కళాకారులచే సాంస్కృతిక కార్యక్రమాలు ఉంటాయని రిజిస్ట్రార్ వెల్లడించారు.
Next Story
