పార్టీలో జోష్ తీసుకొచ్చేందుకే పాదయాత్ర: బండి సంజయ్

దిశ, తెలంగాణ బ్యూరో: హుజూరాబాద్ ఉపఎన్నికల్లో బీజేపీ గెలుపే లక్ష్యంగా పనిచేయాలని పార్టీ శ్రేణులకు బీజేపీ రాష్ట్ర అధ్యక్షుడు బండి సంజయ్ పిలుపునిచ్చారు. మంగళవారం బీజేపీ రాష్ట్ర కార్యాలయంలో రాష్ట్ర పదాధికారుల, జిల్లా అధ్యక్షులు, ఇన్ చార్జీలు, సహాయ ఇన్ చార్జుల సమావేశం నిర్వహించారు. ఈ సందర్భంగా ఆయన మాట్లాడుతూ.. హుజూరాబాద్‌లో ఈటల గెలుపు తధ్యమన్నారు. ఆగస్టు 9 నుంచి చేపడుతున్న పాదయాత్రలో పార్టీ శ్రేణులంతా పాల్గొని విజయం చేయాలని కోరారు. పార్టీలో నూతనోత్సవం నింపేందుకు, ప్రభుత్వం చేపడుతున్న ప్రజా వ్యతిరేక విధానాలను ఎండగట్టేందుకే యాత్ర చేపడుతున్నట్లు వెల్లడించారు. ఈ సమావేశంలో నాయకులు లక్ష్మణ్, విజయశాంతి, ఈటల రాజేందర్, రఘునందన్ రావు, పార్టీ ముఖ్యులు పాల్గొన్నారు.