ఇండియన్ లెజెండ్స్‌కు బ్రిటిష్ ఫిల్మ్ ఇండస్ట్రీ ట్రిబ్యూట్..

దిశ, సినిమా : 2020 ఏప్రిల్‌లో ఇండియన్ సినిమా లెజెండరీ యాక్టర్స్‌ను కోల్పోయిన విషయం తెలిసిందే. ఈ మేరకు కొద్ది రోజుల వ్యవధిలోనే గ్రేటెస్ట్ ఆర్టిస్ట్స్ ఇర్ఫాన్ ఖాన్, రిషి కపూర్ అనారోగ్యంతో కన్నుమూయడం పట్ల బాలీవుడ్ దిగ్భ్రాంతికి లోనైంది. ఈ క్రమంలో ఆదివారం రాత్రి బ్రిటిష్ ఫిల్మ్ ఇండస్ట్రీ నిర్వహించిన BAFTA అవార్డ్స్ ఫంక్షన్‌లో ఈ ఇద్దరు టాలెంటెడ్ యాక్టర్స్‌ను స్మరించుకోవడం విశేషం.

2020 నుంచి ఇప్పటి వరకు ఇంటర్నేషనల్ సినిమా కోల్పోయిన 40 మంది యాక్టర్స్, డైరెక్టర్స్, రైటర్స్‌కు ఈ సందర్భంగా నివాళులు అర్పించగా.. ఈ లిస్ట్‌లో చాడ్విక్ బోస్‌మెన్, ప్రిన్స్ ఫిలిప్ కూడా ఉన్నారు. కాగా ఇర్ఫాన్ ఖాన్ హాలీవుడ్ సినిమాల్లో నటించి ప్రత్యేక గుర్తింపు తెచ్చుకోగా.. ట్రిబ్యూట్ వీడియోలో తను నటించిన ‘లైఫ్ ఆఫ్ పై’ సినిమాలోని డైలాగ్ యూజ్ చేశారు.