60 గజాల పట్టు వస్త్రంపై రామాయణ ముఖ్య ఘట్టాలు

దిశ, వెబ్ డెస్క్: ఎన్నో ఏళ్లుగా ఎదురుచూస్తున్న అయోధ్య రామ మందిర ప్రారంభోత్సవం జనవరి 22న జరగనుంది. ఆ అయోధ్య రాముడికి 60 గజాల పొడవు గల పట్టు వస్త్రాన్ని సత్యసాయి జిల్లా ధర్మవరం కి చెందిన నాగరాజు అను చేనేత కళాకారుడు తయారు చేశాడు. చేనేత మగ్గంపై 6 గజాల పట్టుచీర తయారు చేయడం సర్వసాధారణం. అయితే శ్రీరామకోటి పట్టు వస్తాన్ని ఎంతో నైపుణ్యంతో 60 గజాల పొడవు, 44 ఇంచుల వెడల్పు 16 కేజీల బరువుతో తయారు చేయడం ఎంతో ప్రత్యేకత సంతరించుకుంది. ఆ వస్త్రానికి 'శ్రీరామకోటి పట్టు వస్త్రం' అని నామకరణం చేశాడు. 4 నెలలు శ్రమించి తయారు చేసిన ఆ పట్టు వస్త్రాన్ని ప్రధానమంత్రి నరేంద్ర మోడీ చేతుల మీదుగా అయోధ్యలో రామ మందిరానికి అందించేందుకు ప్రయత్నాలు కూడా చేస్తున్నాడు. రామయణంలోని ప్రధాన ఘట్టాలను 60 గజాల పట్టు వస్త్రంపై రూపొందించి తన ఉడత భక్తిని చాటుకున్నాడు.