బిక్ బ్రేకింగ్.. YCP కార్పోరేటర్‌పై గుర్తు తెలియని వ్యక్తుల దాడి

దిశ, వెబ్‌డెస్క్ : గుంటూరు జిల్లాలో షాకింగ్ ఘటన చోటుచేసుకుంది. పిడుగురాళ్లో కొందరు గుర్తుతెలియని వ్యక్తులు వైసీపీ కౌన్సిలర్ జానీపై దాడికి తెగబడ్డారు. ఈ దాడిలో జానీ తీవ్రంగా గాయపడటంతో ఆయనను ఆస్పత్రికి తరలించారు. అయితే.. దాడి చేసిందెవరు..? ఎందుకు ఈ దాడి జరిగింది..? ఈ దాడి వెనుక ఎవరున్నారు..? అనే విషయాలు తెలియాల్సి ఉంది.

కానీ స్థానికులు మాత్రం.. పేకాటలో వచ్చిన గొడవలే ఈ దాడికి కారణమని అనుమానం వ్యక్తం చేస్తున్నారు. దాడి ఘటనపై సమాచారం అందడంతో పోలీసులు ఘటన స్థలానికి చేరుకుని కేసు నమోదు చేసుకుని దర్యాప్తు చేస్తున్నట్టు తెలిపారు. ఈ దాడికి సంబంధించిన పూర్తి వివరాలు తెలియాల్సి ఉంది.