మంత్రి కేటీఆర్ కు మరోసారి నిరసన సెగ

దిశ, చార్మినార్:​ ఓవైసీ జంక్షన్​ నుంచి మిధాని వరకు నూతనంగా నిర్మించిన ఫ్లై ఓవర్​ బ్రిడ్జి ప్రారంభోత్సవానికి వెళ్తున్న మంత్రి కేటీఆర్ కాన్వాయ్​ను అడ్డుకోబోయిన బీజేపీ, బీజేవైఎం నాయకులను చాంద్రాయణగుట్ట పోలీసులు అరెస్ట్​ చేశారు. రాష్ట్రంలో ఖాళీగా ఉన్న 2 లక్షల ఉద్యోగాలను భర్తీ చేయాలని, నిరుద్యోగ భృతి ఇవ్వాలని డిమాండ్​ చేశారు. ఓవైసీ జంక్షన్​ నుంచి మిధాని వరకు నూతనంగా నిర్మించిన మల్టీ లెవల్​ ఫ్లై ఓవర్​ బ్రిడ్జి ప్రారంభోత్సవానికి వెళ్తున్న మంత్రి కేటీఆర్ కాన్వాయ్​ను చాంద్రాయణగుట్ట బంగారు మైసమ్మ దేవాలయం వద్దకు చేరుకోగానే బీజేవైఎం గ్రేటర్​ అధ్యక్షుడు శివచంద్రగిరి ఆధ్వర్యంలో పలువురు బీజేపీ నాయకులు అడ్డుకోవడానికి ప్రయత్నించారు. అక్కడే బందోబస్తులో ఉన్న చాంద్రాయణగుట్ట పోలీసులు వారిని అదుపులోకి తీసుకుని బహదూర్​పురా పోలీస్​స్టేషన్​కు తరలించారు.