Kadapa: డీజిల్ ట్యాంకర్ బోల్తా .. డ్రైవర్ దుర్మరణం

దిశ, డైనమిక్ బ్యూరో: వైఎస్ఆర్ కడప జిల్లా వల్లూరు తాడిపత్రి జాతీయ రహదారి తప్పెట్ల ఓవర్‌ బ్రిడ్జి‌పై డీజిల్‌ ట్యాంకర్‌ అదుపుతప్పి బోల్తా పడింది. ఈ ప్రమాదంలో డ్రైవర్ దుర్మరణం చెందగా క్లీనర్‌కు స్వల్పగాయాలయ్యాయి. కడప నుంచి ఎర్రగుంట్లకు వెళ్తున్న డీజిల్‌ ట్యాంకర్‌ టైరు పంక్చర్ కావడంతో అదుపుతప్పి బోల్తా పడింది. దీంతో డ్రైవర్ బాబా ఫక్రుద్దీన్‌ (40) అక్కడికక్కడే మృతి చెందాడు. ఫక్రుద్దీన్‌ మృతదేహాన్ని పోస్టుమార్టం నిమిత్తం కడప రిమ్స్‌‌కు తరలించారు. ఈ ఘటనపై కేసు నమోదు చేసిన పోలీసులు విచారణ చేపట్టారు.