Anna Canteen: కడప అన్నా క్యాంటీన్ లో పేలుడు..

దిశ, వెబ్ డెస్క్: అన్నా క్యాంటీన్ లో పేలుడు సంభవించింది. ఈ ఘటన కడపలో చోటుచేసుకుంది. కడప మార్కెట్ యార్డు సమీపంలో ఉన్న అన్నా క్యాంటీన్ వంటశాలలో బుధవారం తెల్లవారుజామున ఈ ఘటన చోటుచేసుకుంది. వంటగదిలో గ్యాస్ లీకవ్వడంతో ఈ ప్రమాదం జరిగినట్లు తెలుస్తోంది. ప్రమాదంలో పేలుడు ధాటికి వంటశాల షెడ్ ధ్వంసమైంది. ఆ సమయంలో అక్కడ ఎలాంటి వంటలు చేయకపోవడం, సిబ్బంది బాయిలర్ వద్ద లేకపోవడంతో పెనుప్రమాదం తప్పింది. పేలుడు ధాటికి వంటగదిలో వస్తువులు చెల్లా చెదురుగా పడిపోయాయి. బాయిలర్ ఎగిరిపడింది. భారీ శబ్దంతో పేలుడు జరగడంతో సిబ్బంది ఉలిక్కిపడ్డారు.