ఎప్పటికీ అండ‌గా ఉంటాం: గంగ‌ పుత్రులకు వైఎస్ జగన్ హామీ

దిశ, వెబ్ డెస్క్: సముద్రాన్ని జీవనాధారంగా చేసుకుని, ఎగసిపడుతున్న కెరటాలతో నిత్యం పోరాటం చేస్తూ జీవనం సాగిస్తున్న గంగ‌ పుత్రులందరికీ వైసీపీ అధినేత, మాజీ సీఎం వైఎస్ జగన్(వైస్ Jagan) ప్రపంచ మత్స్యకార దినోత్సవ(World Fisheries Day) శుభాకాంక్షలు తెలిపారు. ఈ సదర్భంగా తన ఎక్స్‌లో ట్వీట్ చేశారు. ‘‘మన ప్రభుత్వ హయాంలో మత్స్యకారుల సంక్షేమం, సాధికారతే ల‌క్ష్యంగా 4 పోర్టులు, 10 ఫిషింగ్‌ హార్బర్లు, 6 ఫిష్‌ ల్యాండ్‌ సెంటర్ల నిర్మాణాన్ని చేపట్టాం. వివిధ ప‌థ‌కాల ద్వారా మ‌త్స్యకారుల‌కు రూ.4,913 కోట్లు ల‌బ్ధి చేకూర్చాం. గ‌తంలోనే కాదు ఇప్పుడు, ఎప్పుడూ మ‌త్స్యకారులంద‌రికీ వైయ‌స్ఆర్ కాంగ్రెస్ పార్టీ ఎప్పటికీ అండ‌గా ఉంటుంద‌ని మాట ఇస్తున్నా.’’ అని జగన్ ట్వీట్ చేశారు.