AP:నేడు మరోసారి బెంగళూరు వెళ్లనున్న వైఎస్ జగన్!

దిశ,వెబ్‌డెస్క్: ఏపీ మాజీ సీఎం, వైసీపీ అధినేత వైఎస్ జగన్ మళ్లీ బెంగళూరు బయలుదేరి వెళ్లనున్నారు. గతవారమే బెంగళూరు పర్యటన పూర్తి చేసుకుని విజయవాడ చేరుకున్న వైఎస్ జగన్..మళ్లీ నేడు(శుక్రవారం) అక్కడికే వెళ్లేందుకు సిద్ధమయ్యారని అధికారులకు సమాచారం ఇచ్చారు. ఈ రోజు మధ్యాహ్నం గన్నవరం ఎయిర్ పోర్టుకు చేరుకుని అక్కడి నుంచి బెంగళూరుకు పయనం కాబోతున్నారు. కాగా మధ్యాహ్నం 3.45 గంటలకు తాడేపల్లి లోని తన నివాసం నుంచి బయలుదేరనున్న వైఎస్ జగన్ 4.20 గంటలకు గన్నవరం ఎయిర్ పోర్టుకు చేరుకుంటారు. సాయంత్రం 5 గంటలకు గన్నవరం ఎయిర్ పోర్ట్ నుంచి బెంగళూరు కెంపెగౌడ ఎయిర్ పోర్టుకు పయనం అవుతారు. 6.40 గంటలకు కెంపెగౌడ విమానాశ్రయంలో దిగనున్న జగన్.. అక్కడి నుంచి రోడ్డు మార్గంలో బెంగళూరులోని యలహంక నివాసానికి పయనం అవుతారని అధికారులకు సమాచారం అందించారు.