Sharmila: అసలు వైసీపీకి వైఎస్సార్ కు ఏం సంబంధం?

ఏపీసీసీ చీఫ్ ​వైఎస్​ షర్మిల ధ్వజం

దిశ, డైనమిక్​ బ్యూరో : కూటమి ప్రభుత్వానికి వైసీపీ పై కోపాన్ని వైఎస్సార్​విగ్రహాల మీద చూపిస్తారా ? అసలు వైసీపీకి వైఎస్సార్​కి ఏం సంబంధం ? అంటూ ఏపీసీసీ చీఫ్​వైఎస్​షర్మిల ధ్వజతెత్తారు. మహానేత పేరు పెట్టినంత మాత్రాన వైఎ స్సార్​ ఏమైనా వారి సొత్తా.. లేక పేటెంట్ రైటా ? అంటూ ప్రశ్నించారు. ఈ మేరకు ఆమె ఒక ప్రకటన విడుదల చేశారు. ప్రజాభిమానం కలిగిన నాయకుడికి నీచ రాజకీయాలు చేసే వారితో కలిపి ఆపాదిస్తారా ? ఆయన విగ్రహాల మీద కక్ష రాజకీ యాలు చేస్తారా ? ఇదెక్కడి దిక్కుమాలిన చర్య ? అన్నారు. నందిగామ గాంధీ సెంటర్ లో మహానేత వైఎస్సార్​ విగ్రహాన్ని తొలగించడం దుర్మార్గం. ఈ చర్యను ఆంధ్రప్రదేశ్ కాంగ్రెస్ పార్టీ పక్షాన తీవ్రంగా ఖండిస్తున్నామని ఆమె పేర్కొన్నారు. తొలగించిన చోట వెంటనే రాజశేఖర్ రెడ్డి విగ్రహాన్ని తిరిగి ఏర్పాటు చేయండి. లేకుంటే ఉద్యమం తప్పదని తీవ్రంగా హెచ్చరించారు.