గిరిజన హక్కుల పరిరక్షణకు కట్టుబడి ఉన్నాం
గిరిజనుల సంక్షేమం, అభివృద్ధి కోసం ప్రభుత్వం కట్టుబడి ఉందని సీఎం చంద్రబాబు ట్వీట్ చేశారు.
దిశ, డైనమిక్ బ్యూరో: గిరిజనుల సంక్షేమం, అభివృద్ధి కోసం ప్రభుత్వం కట్టుబడి ఉందని సీఎం చంద్రబాబు ట్వీట్ చేశారు. ఉమ్మడి రాష్ట్రంలోనే జీవో నెం.3ని తేవడం ద్వారా గిరిజన ప్రాంతాల్లో ఉపాధ్యాయ పోస్టులు వారికే దక్కేలా కృషి చేశామన్నారు. గత ప్రభుత్వం నిర్లక్ష్యం కారణంగా న్యాయపరమైన చిక్కులతో ఆ ఉత్తర్వు రద్దు అయ్యిందని పేర్కొన్నారు. దాని పునరుద్ధరణకు కృషి చేస్తామని చెప్పారు. అదేవిధంగా గిరిజన ప్రాంతాల్లోని ఆస్తులపై గిరిజనులకే హక్కు ఉండాలన్న ఆలోచనతో వచ్చిన 1/70 చట్టాన్ని మార్చే ఉద్దేశం ఏమాత్రం లేదన్నారు. అలాంటి తప్పుడు ప్రచారాలను నమ్మవద్దని, అనవసరమైన అపోహలతో ఆందోళన చెందవద్దని కోరారు. సమాజంలో అట్టడుగున ఉన్న మీ అభివృద్ధికి సదా కట్టుబడి ఉన్నామని చంద్రబాబు ప్రకటించారు
Next Story
