Visakha: పెందుర్తిలో వివాహిత అనుమానాస్పద మృతి

దిశ, ఉత్తరాంధ్ర: విశాఖ జిల్లా పెందుర్తి మండలం అప్పన్నపాలెం జేఎన్ఆర్ఎమ్ కాలనీలో వివాహిత అనుమానాస్పద మృతి చెందారు. భర్త తీవ్రంగా కొట్టడంతో మృతి చెందిందని మృతురాలి బంధువులు ఆరోపిస్తున్నారు. జీవీఎంసీలో డ్రైవర్‌గా పని చేస్తున్న శివతో ఆమెకు వివాహం జరిగి ఏడేళ్లు అవుతుంది. వీరికి ఆరేళ్ల కుమారుడు, నాలుగేళ్ల కుమార్తె ఉన్నారు. ఏమైందో తెలియదు గాని వివాహిత మృతి చెందారు. మృతురాలి బంధువుల ఫిర్యాదుతో పెందుర్తి పోలీసులు కేసు నమోదు చేశారు. మృతదేహాన్ని పోస్టుమార్టం నిమిత్తం కేజీహెచ్‌కు తరలించారు.