Vamsi: పోలీసు కస్టడీలో వంశీ.. రెండో రోజు..

దిశ, డైనమిక్ బ్యూరో: గన్నవరం తెలుగుదేశం పార్టీ కార్యాలయంపై దాడి కేసులో నిందితుడిగా ఉన్న మాజీ ఎమ్మెల్యే వల్లభనేని వంశీని (vallabhaneni vamsi) పోలీసులు ఈ రోజు విచారణ కొనసాగిస్తున్నారు. నిన్న మొదటి రోజు ఆయనను ఆయనను విచారించగా ఈరోజు మరోసారి ఆయనను కృష్ణలంక పోలీస్​స్టేషన్​(police station) కు తీసుకు వచ్చారు. ఉదయం 10 గంటలకు సబ్​జైలుకు చేరుకున్న పోలీసులు ఆయనను తొలుత వైద్యపరీక్షల నిమిత్తం ఆస్పత్రికి తీసుకువెళ్లారు. అనంతరం ఆయనను కృష్ణలంక పోలీస్ స్టేషన్‌కు పోలీసులు తీసుకొచ్చారు. వంశీని విచారించేందుకు పోలీసు అధికారులు స్టేషన్​కు చేరుకున్నారు. నిన్న ఆయనను దాదాపు రెండున్నర గంటలపాటు విచారించారు. 20కి పైగా ప్రశ్నలు అడిగినట్లు సమాచారం. దళిత వ్యక్తిని కిడ్నాప్​ చేశాడనే ఆరోపణలతో వంశీనీ ఈ నెల 11న హైదరాబాద్​లో అరెస్టు చేశారు. అనంతరం ఆయనకు కోర్టు రిమాండ్​ విధించింది. ప్రస్తుతం ఆయన విజయవాడ సబ్​జైలులో రిమాండ్​ఖైదీగా ఉన్నారు. ఆయన బెయిలు పిటిషన్​ను హైకోర్టు తిరస్కరించింది. ఈ లోగా ఆయనను కస్టడీకి కోరుతూ పోలీసులు పిటీషన్​వేశారు. ఆ పిటీషన్​ను కోర్టు అంగీకరించింది. మూడు రోజుల పాటు విచారణ చేపట్టాలని ఆదేశించింది. దీంతో ఆయన విచారణ కొనసాగుతోంది.