Tirumala: తిరుమల లడ్డూ కౌంటర్‌లో అగ్ని ప్రమాదం..

దిశ, వెబ్‌డెస్క్/తిరుపతి ప్రతినిధి: తిరుమల (Tirumala) లడ్డూ కౌంటర్‌ (Laddu Counter)లో ఇవాళ ఉదయం అగ్ని ప్రమాదం చోటుచేసుకుంది. నిత్యం భక్తులతో కిటకిటలాడే లడ్డూ ప్రసాదాలను పంపిణీ చేసే ప్రాంతంలో హఠాత్తుగా మంటలు చెలరేగడం భక్తులను తీవ్ర భయాందోళనకు గురి చేసింది. లడ్డూ కౌంటర్ (Laddu Counter) నెంబర్ 47లో ఉన్న కంప్యూటర్ సిస్టమ్‌ (Computer System)కు సంబంధించి యూపీఎస్‌లో షార్ట్ సర్క్యూట్ (Short Circuit) కారణంగా ఒక్కసారిగా మంటలు ఎగిసిపడ్డాయి. దీంతో లడ్డూ కౌంటర్ (Laddu Counter) అంతా దట్టమైన పొగతో నిండిపోయింది. విషయం తెలుసుకున్న సిబ్బంది అప్రమత్తమై మంటలను ఆర్పివేశారు. అనంతరం వారు కంప్యూటర్ సిస్టమ్‌ను పునరుద్ధరించేందుకు ప్రయత్నిస్తున్నారు.