TTD:కీలపట్ల శ్రీ కోనేటిరాయస్వామి వార్షిక బ్రహ్మోత్సవాలు.. తేదీలు ఇవే!

దిశ,వెబ్‌డెస్క్: ఏపీ(Andhra Pradesh)లోని చిత్తూరు జిల్లా కీలపట్లలోని శ్రీ కోనేటిరాయస్వామి వార్షిక బ్రహ్మోత్సవాల తేదీలను టీటీడీ(TTD) ప్రకటించింది. వచ్చే నెల(మే) 5 నుంచి 13వ తేదీ వరకు వైభవంగా నిర్వహించనున్నారు. ఈ నెల(ఏప్రిల్) 29న కోయిల్ ఆళ్వార్ తిరుమంజ‌నం, మే 4న సాయంత్రం 6 నుంచి రాత్రి 8.30 గంటల వరకు సేనాధిపతి ఉత్సవం, అంకురార్పణతో బ్రహ్మోత్సవాలు ప్రారంభమవుతాయి.

ఈ బ్రహ్మోత్సవాల్లో భాగంగా రోజు ఉదయం 8 నుంచి 10 గంటల వరకు, రాత్రి 7 నుంచి 9 గంటల వరకు వాహన సేవలు జరుగుతాయి. ఉత్సవాల్లో భాగంగా మే 9వ తేదీ సాయంత్రం 4 గంటలకు స్వామివారి కల్యాణోత్సవం జరుగనుంది. భక్తులు(Devotees) రూ .500/- చెల్లించి ఇద్దరు కల్యాణోత్సవంలో పాల్గొనవచ్చు. ఉత్తరీయం, రవికె, అన్నప్రసాదం బహుమానంగా అందజేస్తారు. మే 14వ తేదీ సాయంత్రం 4 గంటలకు పుష్పయాగం వైభవంగా నిర్వహించనున్నారు.

వాహన సేవల వివరాలు..

05-05-2025:ఉదయం – ధ్వజారోహణం (క‌ర్కాట‌క‌ లగ్నం- మ‌ధ్యాహ్నం 12.05 నుండి 12.20 గంట‌ల వ‌ర‌కు), సాయంత్రం – శేష వాహనం

06-05-2025:ఉదయం – తిరుచ్చి ఉత్సవం, సాయంత్రం – హంస వాహనం

07-05-2025:ఉదయం – సింహ వాహనం, సాయంత్రం – ముత్యపుపందిరి వాహనం

08-05-2025:ఉదయం – కల్పవృక్ష వాహనం, సాయంత్రం – సర్వభూపాల వాహనం

09-05-2025:ఉదయం – మోహినీ ఉత్సవం, సాయంత్రం – కల్యాణోత్సవం, గరుడ వాహనం

10-05-2025:ఉదయం – హనుమంత వాహనం, సాయంత్రం – వసంతోత్సవం, గజ వాహనం

11-05-2025:ఉదయం – సూర్యప్రభ వాహనం, సాయంత్రం – చంద్రప్రభ వాహనం

12-05-2025:ఉదయం – రథోత్సవం, సాయంత్రం – అశ్వవాహనం

13-05-2025:ఉదయం – చక్రస్నానం, సాయంత్రం – ధ్వజావరోహణం