నాటకం తప్ప మరొకటి కాదు: YSRCP ఆగ్రహం
పార్టీ క్రమశిక్షణా కమిటీ ముందు ఎమ్మెల్యే అరవ శ్రీధర్ హాజరుకావడం నాటకమని వైసీపీ ప్రకటించింది...
దిశ, వెబ్ డెస్క్: పార్టీ క్రమశిక్షణా కమిటీ ముందు రైల్వే కోడూరు జనసేన ఎమ్మెల్యే అరవ శ్రీధర్(Railway Koduru Janasena MLA Arava Sridhar) హాజరు కావడం కేవలం ఒక నాటకం తప్ప మరొకటి కాదని వైఎస్సార్ కాంగ్రెస్ పార్టీ(Ysr Congress Party) ప్రకటించింది. మహిళ బహిరంగంగా ముందుకు వచ్చి, తనపై అత్యాచారం జరిగిందని, మోసపోయానని మీడియాకు చెప్పిందని, సీఎం చంద్రబాబు(Cm Chandrababu)ను సైతం కలిసిందని, తిరుపతి ఎస్పీని ఆశ్రయించిందని, అయినా ఎమ్మెల్యేపై ఇంతవరకు ఎఫ్ఐఆర్ నమోదు కాలేదని ఎద్దేవా చేసింది. ఇది న్యాయం కాదని, పగటిపూట జరుగుతున్న అరాచక పాలన అని వైఎస్సార్ కాంగ్రెస్ పార్టీ ఆగ్రహం వ్యక్తం చేశారు.
చట్టం ముందు తలవంచిన అధికారం
సీఎం చంద్రబాబు పాలనలో చట్టం ముందు అధికారం తలవంచుతుందని విమర్శించింది. కోడిని లేదా మేకను కోసినందుకు ప్రజలపై కేసులు పెట్టి, వారిని అవమానకరంగా రోడ్లపై నడిపిస్తారని గుర్తు చేసింది. కానీ ఒక మహిళ అధికార పార్టీ ఎమ్మెల్యేపై అత్యాచారం ఆరోపణలు చేసినప్పుడు, పోలీసులు అకస్మాత్తుగా గుడ్డి, చెవిటి, మూగవారవుతారని విమర్శించింది. ఆమె ఫిర్యాదుపై చర్య తీసుకోవడానికి బదులుగా నిందితుడిని రక్షించడానికి బాధితురాలిపైనే కేసులు పెడతారని తెలిపింది. శాంతిభద్రతలపై మంత్రి నారా లోకేశ్ ఇచ్చే ఉపన్యాసాలు ఈ రోజు ఒక చెడ్డ జోక్లా వినిపిస్తున్నాయని వైఎస్సార్ కాంగ్రెస్ పార్టీ వ్యంగాస్త్రాలు సంధించింది.
పవన్పైనా విమర్శలు
మహిళలను రక్షిస్తానంటూ పవన్ చేసే గొప్ప వాగ్దానాలు నిజమైన నాయకత్వంలా కాకుండా ఆయన సినిమాల్లోని హీరో డైలాగ్లలా వినిపిస్తున్నాయి. వాస్తవానికి, మహిళలు ఆయన రాజకీయ ప్రయోజనాలకు కేవలం పావుల మాత్రమే. సుగాలి ప్రీతి కేసులోనే ప్రజలు ఆయన నిజ స్వరూపాన్ని అర్థం చేసుకున్నారు. అప్పుడు ఆమె సొంత తల్లి ఆయన తప్పుడు వాగ్దానాలను, తన బాధను రాజకీయ లబ్ధి కోసం ఎలా వాడుకున్నారో బయటపెట్టింది. ఈ రోజు మళ్ళీ, ఒక మహిళ బహిరంగంగా న్యాయం కోసం పోరాడుతోంది. కానీ పవన్ కల్యాణ్ ముఖం చాటేశారు. రాజకీయ లబ్ధి లేనప్పుడు మౌనమే ఆయన సమాధానం.’’ అని వైఎస్సార్ కాంగ్రెస్ పార్టీ ఆరోపించింది.
పక్షపాతం, కపటత్వంతో పాలన
‘‘ఒక పార్టీ కమిటీ ఎఫ్ఐఆర్కు ప్రత్యామ్నాయం కాలేదు. నాటకాలు న్యాయానికి ప్రత్యామ్నాయం కాలేవు. అధికార పార్టీ ఎమ్మెల్యే స్వేచ్ఛగా తిరుగుతుండగా గళం విప్పిన మహిళకు శిక్ష పడితే ఇది ప్రభుత్వం కాదు. ఇది శక్తిమంతులకు ఒక రక్షణ కవచం. ఆంధ్రప్రదేశ్లో భయం, పక్షపాతం, కపటత్వంతో పాలన సాగుతోంది.’’ అని వైఎస్సార్ కాంగ్రెస్ పార్టీ ట్వీట్ చేసింది.
