చిరంజీవికి పవన్ కల్యాణ్ అభినందలు

దిశ, వెబ్ డెస్క్: తెలంగాణ(Telangana) ప్రభుత్వం ప్రతిష్ఠాత్మకంగా నిర్వహించే ‘తెలంగాణ గద్దర్‌ ఫిల్మ్‌ అవార్డ్స్‌-2025’(Telangana Gaddar Film Awards-2025') విజేతలను ప్రకటించింది. సినిమా ఇండస్ట్రీల్లో వివిధ విభాగాల్లో ప్రతిభ కనబర్చిన నటీనటులు, సాంకేతిక నిపుణులకు పురస్కారం అందజేయనున్నారు. మార్చి 19, 2026న ఉగాది పర్వదినం సందర్భంగా ఈ పురస్కార వేడుకను అత్యంత వైభవంగా నిర్వహించనున్నారు. శనివారం జ్యూరీ సభ్యులు ఉప ముఖ్యమంత్రి భట్టి విక్రమార్క(Deputy Chief Minister Bhatti Vikramarka)ను కలిసి అవార్డు జాబితా ఫైనల్ లిస్ట్‌ను అందజేశారు. అనంతరం అవార్డు కమిటీ చైర్మన్ తమ్మారెడ్డి భరద్వాజ అవార్డు విన్నర్‌లను ప్రకటించారు.

ప్రత్యేక అవార్డులను సైతం ఆయన ప్రకటించారు. టాలీవుడ్ మెగాస్టార్ చిరంజీవి(Megastar Chiranjeevi)కి ఎన్టీఆర్ నేషనల్ అవార్డు(NTR National Award)ను ప్రకటించారు. దీంతో ఏపీ డిప్యూటీ సీఎం పవన్ కల్యాణ్ స్పందించారు. మెగాస్టార్ చిరంజీవికి అభినందనలు తెలిపారు. ఈ మేరకు ఎక్స్‌లో ఆయన ట్వీట్ చేశారు. తన అన్న చిరంజీవికి ఎన్డీఆర్ జాతీయ అవార్డు రావడం చాలా సంతోషకరమని పవన్ కల్యాణ్ చెప్పారు.