ఏపీ టిడ్కోకు రూ. 540 కోట్లు మంజూరు

దిశ, వెబ్ డెస్క్: రాష్ట్ర టిడ్కో(Tidco)కు ప్రభుత్వం గుడ్ న్యూస్ తెలిపింది. హడ్కో నుంచి తీసుకున్న రుణాన్ని(loan) ముందుగా చెల్లించేందుకు రూ. 540 కోట్లు విడుదల చేసింది. 2025-26 ఏడాదికి గాను రుణాన్ని పరిగణనలోకి తీసుకుంది. ఈ మేరకు నిధులు మంజూరు చేసింది. అలాగే రుణం విడుదలుకు పాలనాపరమైన అనుమతులు సైతం ఇచ్చింది. తదుపరి చర్యలపై టిడ్కోను ఆదేశించింది. ఈ మేరకు ఉత్తర్వులు జారీ చేసింది.

కాగా కూటమి ప్రభుత్వం అధికారంలోకి వచ్చిన తర్వాత టిడ్కో ఇళ్లు ఒక ప్రశ్నగా మారాయి. దీంతో ప్రభుత్వం ఈ ఇళ్లను త్వరగా పూర్తి చేసేందుకు అడుగులు వేసింది. జూన్ 2026 నాటికి రాష్ట్రంవ్యాప్తంగా అన్ని టిడ్కో ఇళ్లను 100 శాతం పూర్తి చేసి లబ్ధిదారులకు ఇచ్చేందుకు ప్రయత్నం చేస్తోంది. ఇందులో భాగంగా ప్రభుత్వం తాజాగా రుణం మంజూరుకు శ్రీకారం చుట్టింది.