రాజధాని పనులకు ముహూర్తం ఫిక్స్.. 23 నుంచి టెండర్ల ప్రక్రియ

దిశ, వెబ్ డెస్క్: ఏపీ రాజధాని అమరావతి(Amaravati)ని అభివృద్ధి చేసేందుకు కూటమి ప్రభుత్వం(Alliance Government) తీవ్రంగా కృషి చేస్తోంది. గత ప్రభుత్వం చేసిన తప్పిదాలను సరిదిద్దుకుంటూ ఒక్కొక్క నిర్మాణాన్ని చేపట్టేందుకు ప్రణాళికలు రూపొందించింది. ఈ మేరకు రాజధాని నిర్మాణ పనులకు జనవరి శ్రీకారం చుట్టేందుకు సిద్ధమైంది. ఈ నేపథ్యంలో మంత్రి నారాయణ(Minister Narayana) తాజాగా కీలక వ్యాఖ్యలు చేశారు. రాజధాని నిర్మాణ పున:ప్రారంభ పనులకు సోమవారం నుంచి టెండర్లు పిలుస్తున్నట్లు పేర్కొన్నారు. హడ్కో రుణంతో చేసే పనులు సంక్రాంతి తర్వాత చేపడతామన్నారు. ప్రపంచ బ్యాంకు(World Bank) రుణంతో జరిగే పనులకు 45 రోజుల సమయం పట్టొచ్చని తాము భావిస్తున్నామని మంత్రి నారాయణ స్పష్టం చేశారు.